Uchrashuvda A.Abduhakimov O‘zbekiston Xitoy Xalq Respublikasi qum bo'ronlari va cho'llarni nazorat qilish bo'yicha milliy kengashi, shuningdek, Xitoy Fanlar akademiyasining Shinjon ekologiya va geografiya instituti bilan qurg‘oqchil hududlarni rivojlantirishga qaratilgan texnologiyalarni amalga oshirishda yaqindan hamkorlik qilishga tayyorligini bildirdi. Bundan tashqari, vazir Xitoyning ushbu sohadagi yetakchi olim va mutaxassislarini Toshkentdagi Markaziy Osiyo atrof-muhit va iqlim o‘zgarishini o‘rganish universiteti (“Green University")ga ishlashga taklif qildi.

Ma’lumot uchun, avvalroq O‘zbekiston Ekologiya, atrof-muhitni muhofaza qilish va iqlim o‘zgarishi vazirligi delegatsiyasi Xitoyning Urumchi va Karamay shaharlarida bo‘lib, Xitoy Fanlar akademiyasi Shinjon ekologiya va geografiya instituti faoliyati bilan tanishgan edi. Xitoy tomoni cho‘l va qurg‘oqchil hududlar ekotizimlarini saqlash va tiklash sohasidagi yutuqlar, jumladan, qishloq xo‘jaligi ehtiyojlari uchun kelgusida foydalanish uchun tuproqni sho‘rlantirish texnologiyalarini namoyish etgandi.

Uchrashuv yakunida tomonlar O‘zbekiston Respublikasi Prezidenti Shavkat Mirziyoyevning joriy yil yanvar oyida XXRga rasmiy tashrifi chog‘ida imzolangan atrof-muhitni muhofaza qilish sohasida hamkorlik to‘g‘risidagi hukumatlararo bitimni amalga oshirishni jadallashtirish maqsadida qo‘shma ishchi guruh tuzishga kelishib oldilar.