Ushbu marafonni o'tkazishdan maqsad Orol dengizining ekologik halokati va suv resurslaridan oqilona foydalanish zarur ekanligiga jamoatchilik e’tiborini qaratishdan iborat. Marafon marshruti Orolning qurigan tubi boʻylab hozirga qadar   suv resurslari saqlanib qolgan hududlargacha davom etadi.

Bu yilgi poyga keng jamoatchilik uchun ochiq. Ushbu ekstremal marafonni zabt etish istagida bo‘lgan 100 nafar sportchi va  havaskorlar ishtirok etishlari mumkin.

Ma’lumot o'rnida aytish joizki, 2023-yilda A.Kulikov Orol dengizining qurigan tubi va  Barsa Kelmas sho‘r ko‘li bo‘ylab 42 km 195 metr  masofani bosib o‘tgan.  Marafon poygasiga dunyoga mashhur amerikalik ultramarafonchi Din Karnazes qo‘shilgan va uning ishtiroki tadbirning nufuzi va global ahamiyatini yanada oshirgan.  Ushbu marafonlarning o'tkazilishi mintaqadagi mavjud ekologik vaziyatga dunyo jamoatchiligi e'tiborini qaratishda muhim ekanligi bilan ham ahamiyatlidir.

Marafonda ishtirok etish tafsilotlari va shartlarini  https://aralseaecomarathon.com. havolasida topishingiz mumkin