SHHT davlatlari Sh.Mirziyoyevning “Yashil belbog‘” dasturini amalga oshirish tashabbusini qo‘llab-quvvatladi
2024-05-23 09:55:00 / Yangiliklar
Tadbirda O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vaziri Aziz Abduhakimov ishtirok etdi.
Uchrashuvda delegatsiyalar rahbarlari ShHTga aʼzo davlatlarning atrof-muhitni muhofaza qilish sohasidagi hamkorligining hozirgi holati va rivojlanish istiqbollari yuzasidan fikr almashdilar hamda 2025-2027-yillarga mo'ljallangan atrof-muhitni muhofaza qilish sohasidagi hamkorlik konsepsiyasini amalga oshirish muhim ekanligini taʼkidladilar. Shuningdek, ShHTning 2024-yilni Ekologiya yili deb eʼlon qilish boʻyicha Harakatlar dasturini amalga oshirishga oid masalalar ham muhokama qilindi.
Tomonlar ShHT Kotibiyatiga 2024-yil 3-4-iyul kunlari Ostona shahrida bo‘lib o‘tadigan ShHTga a'zo davlatlar rahbarlari kengashining chiqindilarni samarali boshqarish to'g'risidagi bayonoti, shuningdek, ShHTga a'zo davlatlar hukumatlari o'rtasida atrof-muhitni muhofaza qilish sohasidagi hamkorlik to'g'risidagi bitim imzolashni taklif qildilar.
Tadbir doirasida delegatsiyalar rahbarlari O‘zbekiston Respublikasi Prezidenti Sh.M. Mirziyoyev tashabbusi bilan 2024-2026-yillarga mo‘ljallangan ShHTning “Yashil belbog’” dasturini amalga oshirish bo‘yicha qo‘shma harakatlar rejasini tasdiqladilar.
Shu bilan birga, ShHTga aʼzo davlatlarning ekologik muammolarni hal qilish boʻyicha qoʻshma yondashuvlari hamda 2025-2027-yillarda ShHTga aʼzo davlatlarning atrof-muhitni muhofaza qilish sohasidagi hamkorlik konsepsiyasini amalga oshirish rejasi tasdiqlandi.