Ўзбекистон Республикаси Транспорт вазирлиги

Учрашувда икки мамлакат ўртасида авиақатновлар ҳажмини ошириш ва парвозлар географиясини кенгайтириш масалалари муҳокама этилди. Музокаралар натижасига кўра China Southern airlines авиакомпаниясининг Pekin – Тошкент йўналишида ҳафталик авиақатновларини 4 тадан 7 тага ошириш, Урумчи – Тошкент йўналишидаги авиақатновларини эса 3 тадан 4 тага ошириш, шунингдек, 2025-йилдан бошлаб Гуанчжоу – Урумчи – Тошкент йўналишида ҳафтасига 3 та авиақатновларни йўлга қўйишга келишилди.

Эслатиб ўтамиз, жорий йил 17-21 - июн кунлари Хитойнинг Сиан шаҳрида ўтказилган "C5+1 Хитой—Марказий Осиё фуқаро авиацияси конференсия"си давомида Ўзбекистон ва Хитой авиация ҳукуматлари ўртасида ҳаво қатнови тўғрисидаги икки томонлама ҳукуматлараро битимга ўзгартиришлар киритиш, икки давлат ўртасида амалга оширилаётган авиақатновлар сонини кескин ошириш, янги ҳаво йўлакларини очиш бўйича қатор келишувларга эришилган.

Мазкур келишувлар доирасида Ўзбекистоннинг 4 та резидент авиакомпаниясига Ўзбекистоннинг Тошкент ва Самарқанд халқаро аеропортларидан Хитойнинг 12 та шаҳрига йўловчи ташиши бўйича ҳафтасига 58 та мунтазам авиақатновларни амалга ошириш юзасидан тайинловлар амалга оширилган ва бу ҳақида Хитой авиация администрацияга дипломатик каналлар орқали хабар берилган.

Айни вақтда Ўзбекистоннинг Қанот Шарқ, Centrum air ва Air Samarqand авиакомпаниялари Хитойга йўловчи ташиш бўйича мунтазам авиақатновларни амалга оширишни бошлаш учун Хитой авиацияси маъмуриятининг CCAR-129 сертификация талабларини бажариш юзасидан тегишли ишларни амалга оширмоқда.

Маълумот учун: Бугунги кунда икки мамлакат ўртасида 9 та авиакомпания томонидан 16 та йўналишда ҳафтасига жами 63 та мунтазам авиақатновлар амалга ошириб келинмоқда. Шундан 21 таси йўловчи ташиш бўйича қолган 42 таси юк ташиш бўйича амалга оширилмоқда.