Фарғона вилояти Транспорт бошқармасида коррупцияга қарши курашиш масалаларига бағишланган йиғилиш ўтказилди
2026-02-16 15:00:00 / Янгиликлар
Тадбирда Транспорт вазирлиги Коррупцияга қарши курашиш бўлими бошлиғи Н. Комилов сўзга чиқиб, мамлакатимизда коррупцияга қарши курашиш сиёсати ва унинг устувор йўналишларидан келиб чиқиб, Транспорт вазирлиги тизимида амалга оширилаётган ислоҳотлар, коррупциянинг олдини олиш ва очиқликни таъминлаш бўйича кўрилаётган чора-тадбирлар ҳақида тушунтиришлар берди.
Шу билан бирга, ходимлар ўртасида ҳалоллик тамойилларини мустаҳкамлаш ва ёшларда коррупцияга нисбатан муросасизлик муҳитини шакллантириш масалаларига алоҳида эътибор қаратилди.
Шунингдек, соҳада яширин иқтисодиётга қарши курашиш, нақд пул айланмасини қисқартириш ва нақдсиз тўловлар улушини ошириш, норасмий бандликни камайтириш ҳамда меҳнат муносабатларини легаллаштириш бўйича амалга оширилаётган чора-тадбирлар ҳақида батафсил маълумот берилди.
Ноқонуний йўловчи ташиш ва ҳисобга олинмаган пул айланмаларининг олдини олиш мақсадида барча ташувчи корхоналар даромад ва тўлов ҳисоботларини “E-Transport” ахборот тизимида юритиши шартлиги, Транспорт назорати инспекцияси томонидан мунтазам рейд тадбирлари ўтказилиши ҳамда аниқланган қонунбузарликларга нисбатан қатъий чоралар кўрилиши таъкидланди.