❗️БОЛАЛАРГА НИСБАТАН ЗЎРАВОНЛИК СОДИР ЭТГАНЛИК УЧУН ЖАВОБГАРЛИК КЕСКИН КУЧАЙТИРИЛМОҚДА
2026-09-29 14:00:00 / Қонунчиликдаги янгиликлар
Қонун лойиҳаси билан Жиноят, Жиноят-процессуал, Маъмурий жавобгарлик тўғрисидаги кодекслар ҳамда қатор қонун ҳужжатларига болаларга нисбатан зўравонлик ҳолатлари учун жавобгарлик чораларини кескин кучайтиришга қаратилган ўзгартириш ва қўшимчалар киритиш кўзда тутилган.
Қонун лойиҳаси бугун ўтказилган қуйи палатанинг навбатдаги мажлисида кўриб чиқилди.
Қонун лойиҳасига кўра, 14 ёшга тўлмаган болага нисбатан номусга тегиш ёки жинсий зўравонлик билан боғлиқ оғир жиноятлар учун узоқ муддатли ёки умрбод озодликдан маҳрум қилиш жазоси белгиланиши мумкин.
Шунингдек:
🔹 бундай жиноятлар бўйича жавобгарликка тортиш муддати қўлланилмаслиги;
🔹 жабрланган болани сўроқ қилиш жараёнини видеоёзувга қайд этиш;
🔹 бола ва гумон қилинувчи ўртасидаги юзлаштирувни махсус тартибда ўтказиш;
🔹 жиноят боланинг яқинлари томонидан содир этилганда васийлик ва ҳомийлик органи вакили иштирокини таъминлаш;
🔹 зўравонликдан жабрланган ёки унга гувоҳ бўлган болаларга давлат ҳисобидан юридик ёрдам кўрсатиш таклиф этилмоқда.