2030 йилга қадар хавфли чиқиндиларни қайта ишлаш даражаси 20 фоизга етказилади — хавфли чиқиндиларни бошқариш бўйича Президент қарори
2026-08-06 15:00:00 / Экофаол ходим
Ўзбекистон Республикаси Президентининг «Хавфли чиқиндиларни бошқариш самарадорлигини ошириш чора-тадбирлари тўғрисида»ги қарори қабул қилинди.
Ҳужжат мамлакатда экологик хавфсизликни таъминлаш, саноат чиқиндиларини бошқариш тизимини тубдан такомиллаштириш ва аҳоли учун соғлом атроф-муҳит яратишга қаратилган кенг кўламли вазифаларни қамраб олади.
Ҳужжатга кўра, 2030 йилга қадар тоғ-кон, металлургия, кимё саноати, нефть-газ ва электр энергетикаси корхоналарида ҳосил бўладиган радиоактив ҳамда Чиқиндилар таснифи каталогига мувофиқ I–IV хавфлилик синфига мансуб кимёвий хавфли чиқиндиларни қайта ишлаш даражаси 20 фоизга етказилади.
Шунингдек:
🔹 қайта ишлаб бўлмайдиган хавфли чиқиндиларни хавфсиз ва минимал ҳажмда жойлаштириш механизмлари тўлиқ жорий этилади;
🔹 махсус объектларда сақланаётган чиқиндиларнинг атроф-муҳитга салбий таъсири камайтирилади;
🔹 хавфли чиқиндиларнинг ҳосил бўлиш манбалари, ҳажми, таркиби ва жойлаштириш жойлари бўйича таснифланган давлат ҳисоби юритилади.
2027 йил 1 январдан бошлаб хавфли чиқиндилар ҳосил қилувчи ташкилотлар экологик экспертиза хулосаси асосида Чиқиндиларни бошқариш ва сirkulyar иқтисодиётни ривожлантириш агентлигининг ҳудудий бошқармалари билан келишилган ҳолда йиллик режалар ишлаб чиқади.
Бунда ташкилотларга:
— чиқиндилар ҳосил бўлиш ҳажмини камайтириш;
— қайта ишлаш улушини ошириш;
— чиқиндиларни фақат тегишли ваколат, инфратузилма ва ижобий экологик экспертиза хулосасига эга бўлган ихтисослашган ташкилотларга зарарсизлантириш, утилизация қилиш ёки кўмиш учун топшириш мажбурияти юкланади.
🔗 Манба: Lex.uz