“Uzbekistan Proud Academy” Япония учун кадрлар тайёрлаш бўйича намунали дарс ўтказиб, халқаро эътиборга сазовор бўлди
2026-07-30 14:25:00 / ОАВ биз ҳақимизда
Ўзбекистон Республикаси Вазирлар Маҳкамаси ҳузуридаги Миграция агентлиги директори томонидан юқори баҳоланган мазкур лойиҳа Чехия Республикаси Бош вазири Андрей Бабишнинг расмий ташрифи дастурига киритилди. Япон таълим тизими асосида тайёрланаётган юқори малакали юк автомашинаси ҳайдовчилари халқаро ҳамжамият эътиборини тортмоқда.
Компания Япониядаги транспорт соҳасида меҳнат ресурслари етишмаслиги муаммосини ҳал этиш мақсадида 2025 йил сентябрь ойида Ўзбекистон Республикаси Вазирлар Маҳкамаси ҳузуридаги Миграция агентлиги билан махсус малакали кадрларни тайёрлаш бўйича халқаро меҳнат ҳамкорлиги тўғрисида келишув имзолаган.
Ушбу ҳамкорлик доирасида Миграция агентлиги билан биргаликда номзодларнинг интизоми, меҳнатга муносабати, Япония маданиятига қизиқиши каби мезонлар баҳоланиб, сараланган номзодлар Ўзбекистонда тайёрланади ҳамда белгиланган талабларга жавоб берганлари Японияга «тайёр мутахассис» сифатида юборилади.
2026 йил февраль ойида Миграция агентлигининг кенг кўмаги билан Тошкент вилоятининг Ангрен шаҳрида “UZBEKISTAN PROUD ACADEMY (UPA)” ўқув маркази фаолияти йўлга қўйилди.
Марказда тингловчиларнинг япон тили, япон услубида хавфсиз ҳайдовчилик, хизмат маданияти, йўл ҳаракати қоидалари ҳамда фавқулодда вазиятларда ҳаракат қилиш бўйича билимларни пухта эгаллаши учун замонавий шароитлар яратилган. Шунингдек, улар ва уларнинг оила аъзоларига молиявий юк тушмаслиги учун Миграция агентлиги кўмагида тақдим этилган ётоқхоналардан фойдаланиш имконияти ҳам таъминланган.
Айни пайтда UPA Миграция агентлиги билан ҳамкорликда амалга оширилаётган «Автомобиль транспорти соҳаси учун махсус малакали кадрлар тайёрлаш» лойиҳаси доирасида Ўзбекистондан Японияга хавфсиз ва юқори малакали юк автомашинаси ҳайдовчиларини (Specified Skilled Worker – 1-тоифа) тайёрлаш билан шуғулланмоқда.
Компания мазкур марказнинг бошқаруви, япон тили ва япон меҳнат маданиятини ўқитиш ишларини амалга оширмоқда. Келгусида Япониянинг Izumi Logistics Co., Ltd. компанияси билан ҳамкорликда транспорт соҳаси бўйича хавфсизлик ва амалий ҳайдовчилик машғулотлари ташкил этилади.
UPAдаги таълим сифати Миграция агентлиги директори томонидан юқори баҳоланиб, Чехия Республикаси Бош вазири Андрей Бабишнинг Ўзбекистонга расмий ташрифи доирасида ушбу тажрибани намойиш этиш ташриф дастурига киритилди.
2026 йил 30 апрель куни UPAнинг маҳаллий раҳбари Кобаяши Саюнага Тошкент шаҳридаги тил ва касб-ҳунар мактабида намунали дарс ўтказди.
Батафсил: https://prtimes.jp/main/html/rd/p/000000032.000155502.html, https://www3.nhk.or.jp/nhkworld/en/news/videos/20260730114549323/