РАСМИЙ МУНОСАБАТ
2026-07-15 10:00:00 / Раҳбариятнинг баёнотлари ва нутқлари
Ижтимоий тармоқларда Сербия Республикасида бўлиб турган Ўзбекистон Республикаси фуқаролари томонидан эълон қилинган видеомурожаат Миграция агентлиги томонидан назоратга олинди.
Ҳозирда мурожаатда келтирилган ҳолатлар ҳамда фуқароларни хорижга ишга юбориш бўйича ноқонуний фаолият олиб борган ташкилот юзасидан тегишли тартибда ўрганиш ва текширув ишлари олиб борилмоқда. Натижаларига кўра, қонунчиликда белгиланган тартибда тегишли чоралар кўрилади.
Шу муносабат билан фуқаролардан хорижга ишга кетишда лицензияга эга бўлмаган ташкилотлар билан шартнома тузмасликни, меҳнат шартномаси шартларига риоя қилишни ҳамда бошқа давлатларга ноқонуний йўллар билан ўтишга уриниш оқибатида ноқонуний миграция иштирокчисига айланиб қолмасликни сўраймиз.
Миграция агентлиги хорижда ишлаш истагида бўлган фуқароларга фақат Агентлик ёки Хусусий бандлик агентлиги лицензиясига эга ташкилотлар орқали ишга жойлашишни тавсия этади.