Вазирлар Маҳкамаси ҳузуридаги Миграция агентлиги томонидан 2025 йилнинг октябрь-декабрь ойларида қонунчилик ҳужжатлари ва топшириқлар ижроси бўйича амалга оширилган ишлар юзасидан БРИФИНГ
2025-12-30 14:00:00 / Брифинглар
Жорий йилнинг IV-чорагида Агентликка жами 420 та топшириқлар белгиланди. Жумладан:
Ўзбекистон Республикаси Президенти томонидан қабул қилинган 46 та ҳужжат асосида 230 та, Ўзбекистон Республикаси Президенти Администрацияси раҳбарининг 36 та ҳужжати асосида 76 та ва Вазирлар Маҳкамасининг 44 та ҳужжати асосида 114 та топшириқ белгиланган.
Бугунгача, уларнинг барчасининг ижроси тўлиқ ва сифатли бажарилди.
Ушбу топшириқлар ижроси доирасида меҳнат миграцияси соҳасида бир қатор муҳим ўзгаришлар амалга оширилди.
Миграция агентлиги томонидан йўлга қўйилган мақсадли ишлар натижасида меҳнат миграцияси географияси кенгайтирилди. Хусусан, Миграция соҳасида 6 та давлат (Франция, Қувайт, Швеция, Италия, Сербия ва Белгия) билан ҳукуматлараро ва идоралараро келишувлар имзоланди. Шунингдек, 33 та давлатдаги 224 та иш берувчи билан ҳамкорлик шартномалари тузилди.
Хорижий ташкилотлар ва нодавлат таълим муассасалари билан биргаликда ҳудудларда хорижда меҳнат фаолиятини амалга ошириш истагида бўлган фуқаролар учун ўқув курслари ташкил қилиниб, уларни бепул хорижий тилларга ўқитиш имкониятлари кенгайтирилди.
“Таълим + иш” тамойили асосида 9 та ҳудудда йиллик ўқитиш қуввати 5 минг киши бўлган халқаро ўқув марказлари очилди, 6 та касб ва хорижий тилга ўқитиш йўналишида 2 минг 200 нафар фуқаро жалб этилди.
Германиянинг Аахен университети билан 14 та ҳудуддаги жамоат саломатлиги техникумларида “Германия тиббиёт академия”си йилига 750 та квота билан ташкил этилди
Бундан ташқари, 28 та туман ва шаҳарларда корейс, немис ва япон тиллари бўйича 50 та бепул ўқув курслар очилди, ҳозир уларда 1 ярим минг фуқаро ўқитилаяпти.
Германия, Япония, Словения, Руминиянинг 50 та иш берувчилари томонидан Ўзбекистонда “Меҳнат ярмаркалари” ўтказилди.
Хорижда ҳуқуқий ва моддий ёрдамга муҳтож фуқароларимизга ёрдам кўрсатиш ишлари изчил давом эттирилмоқда.
Ҳурматли юртдошлар!
Амалга оширилган ишлар мамлакатимиз фуқароларини хавфсиз, ташкиллаштирилган ва қонуний меҳнат миграциясига йўналтириш, уларнинг ҳуқуқ ва манфаатларини ҳимоя қилишга хизмат қилмоқда.
Видеони кўриш учун ҳавола орқали ўтинг!