O'zbekiston Respublikasi

Sog'liqni saqlash vazirligi va Iqtisodiyot va moliya vazirligi

O'zbekiston Respublikasida tibbiy ko'rish diagnostikasi (radiologiya) markazlarni tashkil etish davlat-xususiy sheriklik loyihasi

O'zbekistonda tibbiy ko'rish diagnostikasi (radiologiya) DXSH – bozorni o'rganish

O'zbekiston Respublikasi Sog'liqni saqlash vazirligi va O'zbekiston Respublikasi Iqtisodiyot va moliya vazirligi bir nechta tibbiy diagnostika bo'limlarini loyihalash, qurish, moliyalashtirish, texnik xizmat ko'rsatish va ulardan foydalanish, shuningdek, bemorlarga samarali va sifatli zamonaviy tasvir va yadro tibbiyoti xizmatlarini ko'rsatish uchun tibbiyot xodimlarini yollash va o'qitish bo'yicha uzoq muddatli DXSH shartnomasi doirasida O'zbekiston Respublikasining uchta viloyatida loyihasini amalga oshirishni rejalashtirmoqda ("loyiha").

Sog'liqni saqlash vazirligi O'zbekiston Respublikasi Iqtisodiyot va moliya vazirligi ko'magida xususiy sherikni aniqlash bo'yicha shaffof tender tashkil etish va loyihani tizimlashtirish uchun Jahon banki guruhiga kiruvchi xalqaro moliya korporasiyasini (XMK) etakchi maslahatchi sifatida jalb etdi. Rebel Group (Niderlandiya), Pinsent Masons (Buyuk Britaniya) va Kosta Legal (O'zbekiston) kompaniyalari ushbu loyiha bo'yicha ixtisoslashgan maslahatchilar hisoblanadi.

O'zbekiston Respublikasi Sog'liqni saqlash vazirligi ushbu xat orqali tibbiy diagnostika va yadro tibbiyoti xizmatlarida tajribaga ega bo'lgan barcha manfaatdor tomonlarni 2024-yil 30-aprel sanasigacha quyidagi aloqa ma'lumotlaridan foydalangan holda loyihaga potentsial qiziqishning majburiy bo'lmagan dastlabki ifodasini taqdim etishga taklif qiladi.

O'zbekiston Respublikasi Sog'liqni saqlash vazirligi tender yakunlari bo'yicha tender komissiyasi g'olib deb aniqlagan tashkilot bilan DXSH bo'yicha uzoq muddatli shartnoma imzolaydi (minimal muddat – 10 yil). Tender O'zbekiston Respublikasining "Davlat-xususiy sheriklik to'g'risida"gi qonuniga muvofiq ikki bosqichda o'tkaziladi. Birinchi bosqichda tender ishtirokchilari (shu jumladan konsortsiumlar) dastlabki saralash mezonlari (RFQ) asosida saralanadi. Ikkinchi bosqichda dastlabki saralashdan o'tgan tashkilotlar texnik va moliyaviy takliflarini taqdim etadilar.

Tashkilotingizning loyihaga potentsial qiziqishi haqida xabar berish va qo'shimcha ma'lumot olish uchun quyida ko'rsatilgan elektron pochta manzillariga 2024 yil 30 aprelga qadar so'rov yuborishingizni so'raymiz. Manfaatdor taraflar ixtiyoriy ravishda o'zbek, rus yoki ingliz tillarida tashkilotlari haqida taqdimot yoki qisqacha ma'lumot taqdim etishlari mumkin.

Tender o'tkazish vaqtida aniqlangan korrupsiya holatlari haqida zudlik bilan O'zbekiston Respublikasi Bosh prokuraturasining +998 71-233-1007 ishonch raqamiga xabar qilishingizni so'raymiz.