O'zbekiston Respublikasi Vazirlar Mahkamasining 1997 yil 2 dekabrdagi 532-sonli qarori bilan stasionar sharoitda davolash-profilaktika muassasalarida (pullik muassasalardan tashqari) davolanayotganlar ovqatlanish puli to'lashdan ozod qilingan hamda ambulator sharoitda bepul dori-darmon bilan ta'minlanadigan fuqarolar toifasi va kasalliklar ro'yxati aniqlangan.
Stasionar sharoitda davolash-profilaktika muassasalarida (pullik muassasalardan tashqari) davolanayotganda ovqatlanish puli to'lashdan ozod qilingan kasalliklar ro'yxatiga quyidagilar kiradi:

    onkologik kasalliklar;
    sil kasalligi;
    ruhiy kasalliklar;
    giyohvandlikka duchor bo'lgan bemorlar - ixtisoslashgan shifoxonalarda;
    moxov kasalligi;
    nurlanish kasalligi bilan xastalanganlar;
    yuqumli kasalliklar;
    zahm kasalligi;
    Oivini yuqtirganlar (OITS);
    shoshilinch tibbiy yordam ko'rsatilishida tasdiqlangan standartlar bo'yicha muhlatlarda reanimasiya va intensiv davolanishni talab etadigan bemorlar;
    kamqonlik kasalligining barcha darajalarida homilador va tuqqan ayollar;
    endokrinologik kasalliklar.

Stasionar sharoitda davolash-profilaktika muassasalarida (pullik muassasalardan tashqari) davolanayotganda ovqatlanish puli to'lashdan ozod qilingan fuqarolar toifasiga quyidagilar kiradi:

    bolalikdan nogironlar;
    g'irt etimlar;
    I va II guruh nogironlari;
    1941-1945 yillar urush nogironlari va qatnashchilari, hamda ularga tenglashtirilganlar;
    ijtimoiy ta'minot muassasalarida hisobda turuvchi yakka-yolg'iz pensionerlar;
    1941-1945 yillar mehnat fronti qatnashchilari;
    Chernobil AES halokatini bartaraf etishda qatnashgan nogironlar;
    baynalminalchi jangchilar;
    bolalar va 17 yoshgacha bo'lgan o'smirlar;
    mudofaa ishlari bo'yicha bo'limlar yo'llanmalari bilan 18-27 yoshdagi xarbiy xizmatga chaqiriluvchilar.

Ambulatoriya sharoitida davolanayotgan bemorlarga quyidagi kasalliklarda bepul dori-darmonlar beriladi:

    onkologik kasalliklar;
    sil kasalligi;
    moxov kasalligi;
    endokrinologik kasalliklar;
    ruhiy kasalliklar;
    Oivini yuqtirganlar (OITS);
    yurak klapani protezi qo'yilgan va a'zolari ko'chirilgan bemorlar;
    o'zgalar qaroviga muxtoj yakka-yolg'iz pensionerlar;
    1941-1945 yillar mehnat fronti qatnashchilari;
    1941-1945 yillar urush nogironlari va qatnashchilari, hamda ularga tenglashtirilganlar;
    Chernobil AES halokatini bartaraf etishda qatnashgan nogironlar;
    baynalminalchi jangchilar;
    yadro poligonlarida va boshqa radiasiya-yadro ob'ektlarida xarbiy xizmatni o'tagan pensiya yoshidagi shaxslar.