Barcha ishlab chiqaruvchi va etkazib beruvchi xo'jalik yurituvchi sub'ektlarga
O'zbekiston Respublikasi Prezidentining 2018 yil 12 iyuldagi "O'zbekiston Respublikasi aholisiga nefrologiya va gemodializ yordami ko'rsatish samaradorligini oshirish chora-tadbirlari to'g'risida"gi PQ-3846-sonli qaroriga va Sog'liqni saqlash vazirligining 2023 yil 15 noyabr 03-24/26755 – son ko'rsatma xatiga asosan qiska muddatlarda dezinfiktant xaridi ko'zda tutilgan bo'lib, O'zbekiston Respublikasi Sog'liqni saqlash vazirligining ishchi organi -"O'zmedimpeks" MCHJ tomonidan limon kislotasi va tsitosteril xarid qilinishini e'lon qiladi.
1-ilovada yillik ehtiyoj, tibbiy buyum vositasi shakli, xarid uchun miqdor va bir birlikning boshlang'ich narxi, 2-ilovada sotib olish rejalashtirilgan tibbiy buyum vositasi bo'yicha texnik topshiriq ko'rsatilgan. Tovarlarni texnik baholashni amalga oshirish uchun sizdan tijorat taklifingizni texnik muvofiqliq jadvali asosida, har bir aniq parametrlarni to'ldirib, zarur materiallar bilan (ro'yxatdan o'tkazganlik haqida guvohnoma, sertifikat va.boshq.) taqdim etishingizni so'raymiz.
G'olib, ekspert guruhi (benefisiarlar) tomonidan ishtirokchilarning 3-ilova asosida taqdim etgan takliflarini texnik baholash va narx taklifini ko'rib chiqishi yo'li bilan aniqlanadi. Tijorat taklifida taklif qilingan narx boshlang'ich narxdan oshmasligi kerak, bunda AQSh dollari yoki evro pul birligida berilgan narxlar O'zbekiston Respublikasi Markaziy banki kursi bo'yicha taklifning berish muddati tugashi sanasidagi milliy valyutaga (so'mga) nisbatan aniqlanadi.
Ishlab chiqaruvchi bo'lmagan ishlab chiqaruvchilarning vakolatli distribyutorlari ishlab chiqaruvchidan ruxsatnoma (avtorizasiya) yoki rasmiy kelishuv xatini 4-ilovaga muvofiq taqdim etishlari kerak. Zarur hollarda "O'zmedimpeks" MCHJ hujjatning haqiqiyligi to'g'risida so'rov yuborishi mumkin.
Etkazib berish shartlari: mahalliy etkazib beruvchilar uchun – DDP, ya'ni, xaridorning Toshkent shahridagi omborigacha, xorijiy etkazib beruvchilar uchun - DAP - Toshkent.
To'lov shartlari: mahalliy etkazib beruvchilarga O'zbekiston Respublikasi qonunchiligida belgilangan tartibda, xorijiy etkazib beruvchilar uchun – 100% hujjatli qaytib olinmaydigan akkreditivli to'lov.
Shu bilan birga, tanlov ishtirokchilari O'zbekiston Respublikasi Vazirlar Mahkamasining 2017 yil 4 iyundagi 185-sonli qarori bilan tasdiqlangan Nizomga muvofiq farmasevtika faoliyatini amalga oshirish uchun tegishli lisenziyaga ega bo'lishi va taqdim etishi kerakligini hisobga olishi kerak, O'zbekiston Respublikasi Sog'liqni saqlash vazirligi tomonidan tasdiqlangan dori vositalari va tibbiyot buyumlarini ulgurji sotish va saqlash qoidalariga muvofiq, shuningdek, ushbu Nizomga ko'ra taklif etilayotgan tibbiy buyum vositasining qiymati, vositachilar sonidan qat'iy nazar, xarid narxining 15% dan (import qiluvchilar uchun) va sotish narxining 15% dan (mahalliy ishlab chiqaruvchilar uchun) oshmasligi kerak.
Agar tibbiy buyum vositasi markirovkalash majburiy bo'lgan tibbiy buyum vositasi hisoblansa, O'zbekiston Respublikasi Vazirlar Mahkamasining 02.04.2022 yildagi 149-sonli qaroriga muvofiq, tibbiy buyumlarni raqamli yoriqlash (sana matrisasi kodi, QR) uchun javobgarlik "dori vositalari va tibbiy buyumlarni majburiy raqamli markirovkalash tizimini joriy etish to'g'risida"gi qaroriga asosan davlat xaridi ishtirokchisiga va tibbiy buyum vositasini ishlab chiqaruvchisiga yuklatilgan.
Shuningdek, farmasevtika mahsulotlarini ulgurji savdosi bilan shug'ullanuvchi barcha korxonalar zarur distribyutorlik amaliyoti (GDP) muvofiqlik sertifikatiga ega bo'lishi va ushbu sertifikatni hamda ISO 9001, ISO 13485 ishlab chiqarish standartlariga muvofiqligi bo'yicha sertifikatlarni taqdim etishi kerak.
Shartnoma tuzilgan taqdirda, g'olib kompaniya 5 ish kuni ichida o'z taklifini depozit shaklida ta'minlashni kafolatlash, shartnoma kuchga kirgunga qadar "O'zmedimpeks" MChJning bank hisob raqamiga shartnoma umumiy summasining 2% miqdorida zakalat mablag'ini o'tkazish orqali amalga oshirishi kerak. O'tkazilgan zakalat summasi shartnoma bo'yicha majburiyatlar to'liq bajarilgandan so'ng g'olib ishtirkochiga qaytariladi. G'olib ishtirokchi tomonidan shartnoma majburiyatlari bajarilmagan (shu jumladan bajarishni rad etgan) taqdirda, zakalat summasi xaridorda qoladi.
Ilova qilingan hujjatlar to'plami 2023 yil 23 noyabr kuni soat 18:00 ga qadar (UTS+05:00) pp3846pz@uzmedimpex.uz (boshqa elektron manzilga yuborilgan takliflar ko'rib chiqilmaydi) elektron manziliga alohida quyidagi hujjatlardan iborat bo'lgan holda yuborilishi shart:
- nomi, shakli, ehtiyoji, boshlang'ich narxi 1-ilovaga muvofiq;
- texnik topshiriq bilan solishtirish 2-ilovaga muvofiq;
- narxi ko'rsatilgan tijorat taklifi 3-ilovaga muvofiq;
- avtorizasiya yoki mahsulot ishlab chiqaruvchisi bilan kelishuv 4-ilovaga muvofiq.
