Sogʻliqni saqlash vazirligi Ichki audit Departamentining 2024-yil yillik faoliyati boʻyicha HISOBOTI
Umumiy maʼlumotlar
Sogʻliqni saqlash vazirligi Ichki audit Departamentining xodimlari soni
33 shtat birligini tashkil etib, vazirlikda 5 shtat birligi (departament boshligʻi, boshliq oʻrinbosari va 3 ta bosh mutaxassis), viloyatlarning har birida 2 ta shtat birligi, shundan bosh mutaxassis va yetakchi mutaxassis lavozimlaridan iborat. Shtat lavozimlar vazirlikning markaziy apparat shtatida tasdiqlangan.
Oʻzbekiston Respublikasi Auditorlar palatasi tomonidan vazirlikning barcha ichki audit xodimlariga malaka sertifikati berilgan.
Toshkent, Xorazm va Qashqadaryo viloyatlarida bosh mutaxassis hamda Surxondaryo viloyatida yetakchi mutaxassis lavozimi vakant.
Tizimda jami 1165 ta yuridik maqomiga ega boʻlgan tashkilotlar mavjud.
Ichki audit yillik rejasida tasdiqlangan ichki audit tadbirlarining hisobot davrida rejalashtirilgan qismining bajarilishi holati.
Sogʻliqni saqlash vazirligining 2024-yil 16-yanvardagi 11-sonli hamda
2024-yil 13-sentyabr kunidagi 296-sonli buyrugʻi (hujjat kodi YB35036654) bilan Ichki audit departamentining 2024-yilga tasdiqlangan ish rejasida tizimidagi 132 ta tibbiyot muassasalarning 2021-2024-yillardagi moliyaviy faoliyati yuzasidan auditorlik nazorat tadbiri oʻtkazilishi rejalashtirilgan boʻlib, haqiqatda rejadagi
119 ta tibbiyot muassasalarda (90 foiz) auditorlik nazorat tadbirlari oʻtkazildi.
Shuningdek, 1173 ta rejadan tashqari nazorat tadbiri oʻtkazilgan boʻlib, shundan 56-tasi budjet toʻgʻrisidagi qonunchilik buzilishi faktlari toʻgʻrisida maʼlumotlar asosida oʻtkazilgan.
Hisobot davrida Sogʻliqni saqlash vazirining buyruqlari asosida 1292 ta tashkilotlarda audit tadbirlari oʻtkazilib, jami 91 356,6 mln.soʻmlik moliyaviy xato va kamchiliklar aniqlandi, shundan 3 430,0 mln.soʻmi tegishli byudjetga tiklangan hamda aniqlangan 53 657,7 mln.soʻmlik xato-kamchiliklar yuzasidan 50-ta tashkilot boʻyicha oʻrganish materiallari huquqiy baho berish uchun huquqni muhofaza qilish organlariga taqdim etilgan.
Masalan, Oʻzbekiston Respublikasi Sogʻliqni saqlash vazirining 2024-yil
29-apreldagi 144-sonli buyrugʻi asosida, Toshkent viloyati Sogʻliqni saqlash boshqarmasiga qarashli 10 tibbiyot muassasalarida “Davlat haridlari toʻgʻrisida”gi Qonun va boshqa normativ-huquqiy hujjatlar talablariga rioya qilinishi holatlari oʻrganildi.
Oʻrganishlar yakuni boʻyicha shundan, Toshkent viloyati Toshkent viloyat ixtisoslashtirilgan somatika shifoxonasi
246,5 mln.soʻmlik, SEO va JS Chirchiq shahar boʻlimi 617,8 mln.soʻmlik, Piskent tuman tibbiyot birlashmasida 189,3 mln.soʻmlik, Respublika ixtisoslashtirilgan onkologiya va radiologiya ilmiy-amaliy markazining Toshkent viloyati filialida 214,7 mln.soʻm hamda Viloyat Qon quyish stansiyasida 36,1 mln. soʻm tovar moddiy boyliklar kamomadi aniqlandi.
Bundan tashqari, hisobot davrida Ichki audit departamenti xodimlari tomonidan 511-ta masofaviy nazoratlar oʻtkazildi, shundan 401 ta muassasada jami
65 160,3 mln.soʻm kamchiliklar aniqlanib, buning 887,8 mln. soʻmi undirildi.
Masalan, 2024-yilda 391-ta tibbiyot muassasasining xodimlariga ragʻbatlantirish jamgʻarmasi hisobidan Oʻzbekiston Respublikasi Adliya vazirligida 16.01.2023-yilda 3416-son bilan roʻyxatdan oʻtgan “Tibbiyot muassasalarini moddiy ragʻbatlantirish va rivojlantirish jamgʻarmasi toʻgʻrisida”gi Nizom talablariga zid ravishta jami 13 870,1 mln.soʻmlik toʻlovlar amalga oshirilganligi aniqlandi. Ushbu aniqlangan holatlar yuzasidan maʼlumotlar vazirlikka va huquqni muhofaza qilish organlariga taqdim etildi.
Hisobot davrida Ichki audit departamenti xodimlari tomonidan 75-ta profilaktika tadbirlari oʻtkazildi, shundan 567 ta muassasada jami
99 287,5 mln.soʻm kamchiliklar aniqlanib, 82 835,8 mln.soʻm mablagʻlar miqdori qayta hisob-kitoblar boʻyicha kelgusida rejalashtirish manbalaridan kamaytirish hisobiga mablagʻlarni ortiqcha sarflanishi oldi olindi.
Sogʻliqni saqlash vazirligining 2024-yil 20-fevraldagi 49-sonli buyrugʻini taʼminlash maqsadida Sogʻliqni saqlash boshqarmasi tizimidagi muassasalarning 2024-yilgi shtatlar jadvali va tarifikasiyalarini toʻgʻri tuzilganligi yuzasidan dastlabki oʻrganish ishlari oʻtkazildi.
Oʻrganish jarayonida ortiqcha rejalashtirilgan jami 82 835,8 mln.soʻm mablagʻlar miqdori qayta hisob-kitoblar boʻyicha kelgusida rejalashtirish manbalaridan kamaytirish hisobiga mablagʻlarni ortiqcha sarflanishi oldi olindi.
Bundan tashqari, situatsion markazi topshirigʻiga asosan oʻrindoshlik asosida ishlovchi xodimlar bilan mehnat shartnomalari toʻgʻri tuzilishi va ish haqlari toʻgʻri hisoblanishi masalasida nazorat tadbirlari oʻtkazildi.
Shuningdek, situatsion markazi topshirigʻiga asosan Davlat ijtimoiy sugʻurtasi boʻyicha nafaqalar tayinlash va toʻlash tartibi toʻgʻrisidagi nizom talablari boʻyicha tugʻruq taʼtillariga nafaqalar toʻgʻri toʻlanishi oʻrganildi.
Hisobot davrida oʻtkazilishi rejalashtirilgan, lekin amalga oshirilmagan ichki audit tadbirlari toʻgʻrisidagi maʼlumotlar.
Hisobot davrida 130 ta tibbiyot muassasalarning 2021-2024-yillardagi moliyaviy faoliyati yuzasidan auditorlik nazorat tadbiri oʻtkazilishi rejalashtirilgan boʻlib, haqiqatda rejadagi 119 ta tibbiyot muassasalarda (90 foiz) auditorlik nazorat tadbirlari oʻtkazildi.
Ushbu tibbiyot muassasalarida Oʻzbekiston Respublikasi bosh prokuratura huzuridagi Iqtisodiy jinoyatlarga qarshi kurashish departamentining Davlat moliyaviy nazorati inspeksiyasini tomonidan tekshirishlar va huquqni muhofaza qilish organlari tomonidan tekshirish oʻtkazilayotgani uchun ichki audit tadbirlari oʻtkazilmadi.
Oʻzbekiston Respublikasi Hisob palatasi, Oʻzbekiston Respublikasi Bosh prokuraturasi, Oʻzbekiston Respublikasi Iqtisodiyot va moliya vazirligi hamda Oʻzbekiston Respublikasi Sogʻlikni saqlash vazirligining "Oʻzbekiston Respublikasi Sogʻlikni saqlash vazirligi tizimida byudjet tizimi byudjetlarining mablagʻlarini maqsadli va samarali ishlatilishi ustidan monitoring va nazorat tizimini oʻrnatish toʻgʻrisida"gi qoʻshma qarori bilan situatsion markaz tashkil etilib, ushbu markaz tomonidan berilgan topshiriqlar bajarildi.
Situatsion markazi topshirigʻiga asosan oʻrindoshlik asosida ishlovchi xodimlar bilan mehnat shartnomalari toʻgʻri tuzilishi va ish haqlari toʻgʻri hisoblanishi masalasida nazorat tadbirlari oʻtkazildi.
Shuningdek, situatsion markazi topshirigʻiga asosan Davlat ijtimoiy sugʻurtasi boʻyicha nafaqalar tayinlash va toʻlash tartibi toʻgʻrisidagi nizom talablari boʻyichatugʻruq taʼtillariga nafaqalar toʻgʻri toʻlanishi oʻrganildi.
Ichki audit obyektlari tomonidan chora-tadbirlar rejasining bajarilishi toʻgʻrisidagi maʼlumotlar.
2024-yilda oʻtkazilgan audit tadbirlarida jami 91 356,5 mln.soʻmlik xato va kamchiliklarga yoʻl qoʻyilganligi aniqlangan boʻlib, ushbu xato va kamchiliklarni bartaraf etish yuzasidan chora-tadbirlar rejasi ishlab chiqilgan, chora-tadbirlar bajarilishi haqida ichki audit obyekti tomonidan jami 256-ta maʼlumotlar berilgan.
Oʻtkazilgan audit tadbiri jarayonida Buxgalteriya hisobotlari va provodkalar berilishida aniqlangan kamchiliklar yuzasidan bosh hisobchiga 2169-sonli “Budjet tashkilotlarida buxgalteriya hisobi toʻgʻrisidagi” yoʻriqnoma talablariga qatʼiy rioya etilishini hamda ortiqcha toʻlangan ish haqlarini undirish yuzasidan Oʻzbekiston Respublikasi Mehnat kodeksining 269-moddasi talablariga qatʼiy rioya etishni taʼminlash yuklatilgan.
Muassasa moddiy qiymatliklarini saqlanishi yuzasidan moddiy javobgar shaxslarni muassasa rahbari buyrugʻi bilan tayinlash va ular bilan moddiy javobgarlik toʻgʻrisida shartnomalar tuzish, audit tadbiri jarayonida aniqlangan kamomadlarni tegishli aybdor shaxslardan undirish kabi taklif va tavsiyalar berilgan.
Shuningdek, oʻtkazilgan audit tadbirlari natijalarida aniqlangan moliyaviy, xato va kamchiliklarni tugatish hamda bunday kamchiliklarga yoʻl qoʻygan sogʻliqni saqlash muassasa rahbari nomiga koʻrsatma berilishi bilan bir qatorda yoʻl qoʻyilgan moliyaviy xato va kamchiliklar toʻgʻrisida sogʻliqni saqlash boshqarmasi boshligʻi nomiga bildirishnomalar kiritildi.
Taklif va tavsiyalar
- Xarajatlar rejasini tuzishda Oʻzbekiston Respublikasi Adliya vazirligida 2014-yil 15-dekabrdagi 2634-son bilan roʻyxatga olingan “Byudjet tashkilotlari va byudjetdan mablagʻ oluvchilarning xarajatlar smetasini va shtatlar jadvalini tuzish, tasdiqlash va roʻyxatdan oʻtkazish tartibi toʻgʻrisida”gi Yoʻriqnomaga amal qilish;
- shtat jadvallarini amaldagi namunaviy shtat birliklariga asosan va shtat birligini ajratish uchun mezon hisoblangan meʼyorlarga amal qilish hamda ortiqcha shtat birliklarini saqlashga hamda asossiz qoʻshimchalar kiritishga yoʻl qoʻymaslik;
- kommunal xizmat turlaridan foydalanishda ularning oʻlchov asboblari asosida toʻgʻri hisoblanishi va toʻlanishini nazoratga olish kommunal xizmatlari ichimlik suv taʼminoti, kanalizatsiya, issiqlik, elektr va gaz taʼminoti oʻlchov hisoblagichlarini metrologiya nazoratidan oʻtkazish; bilan taʼminlanganligi, oʻlchov asboblarini oʻrnatilganligini doimiy nazoratga olish;
- xodimlarga ish haqi va unga qoʻshimchalarni hisoblashda Oʻzbekiston Respublikasi Vazirlar Mahkamasining 21.12.2005-yildagi 276-sonli qarori talablariga qatʼiy rioya etilishni taʼminlash;
- xodimlarga moddiy ragʻbatlantirish pullarini hisoblashda Adliya vazirligidan 2023-yil 16-yanvarda 3416-son bilan roʻyxatga olingan “Tibbiyot muassasalarini moddiy ragʻbatlantirish va rivojlantirish jamgʻarmasi toʻgʻrisida”gi Nizomi talablariga rioya etilishini taʼminlash;
- mahsulot yetkazib beruvchi va ish(xizmat)lar koʻrsatuvchi tashkilotlar bilan shartnomalar tuzishda Oʻzbekiston Respublikasining 2021-yil 22-apreldagi OʻRQ-684-son "Davlat xaridlari" toʻgʻrisidagi qonuni talablariga rioya etish;
- Oʻzbekiston Respublikasi Prezidentining 12-may 1995-yildagi “Xalq xoʻjaligida hisob-kitoblar oʻz vaqtida oʻtkazilishi uchun korxona va tashkilotlar rahbarlarining masʻuliyatini oshirish borasidagi chora-tadbirlar toʻgʻrisida”gi PF-1154 sonli farmoni talablariga rioya etish;
- buxgalteriya hisob-kitob ishlarini yuritishda Oʻzbekiston Respublikasi Adliya vazirligidan 2010-yil 22-dekabrda 2169-son bilan roʻyxatga olingan “Byudjet tashkilotlarida buxgalteriya hisobi toʻgʻrisida” gi Yoʻriqnoma talablariga rioya etish;
- Oʻzbekiston Respublikasi Vazirlar Mahkamasining 2020-yil 10-yanvardagi 16- sonli qarori “Oʻzbekiston Respublikasi Sogʻliqni saqlash vazirligi tuzilmasidagi tashkilotlarda autsorsing xizmatlari koʻrsatish tartibi toʻgʻrisida”gi Nizom autsorsing shartlari asosida xizmatlarni koʻrsatish boʻyicha naʼmunaviy shartnomaning 2.2.1.bandi ijrosini taʼminlash;
Ichki audit xizmati faoliyati sifatini taʼminlash (baholash) va oshirish boʻyicha amalga oshirilgan ishlar.
Ichki audit xizmati rahbari tomonidan ichki baholashni doimiy monitoring va davriy baholash orqali amalga oshirish yoʻlga qoʻyildi.
Barcha ichki audit departamenti xodimlari masofaviy audit dasturidan foydalanish uchun OʻzASBO-2 dasturiga ulandi.
Ichki audit departamenti xodimlarining 2025-yilda Iqtisodiyot va moliya vazirligi huzuridagi Oʻquv markazida malaka oshirish rejasi tasdiqlandi.
Vazirlik (idora) tizimidagi budjet hisobidan moliyalashtirilmaydigan nobudjet muassasa va tashkilotlarda moliyaviy-xoʻjalik faoliyati boʻyicha oʻtkazilgan nazorat ishlariga oid hujjatlarning monitoringi yuzasidan amalga oshirilgan ishlar
Vazirlik tizimidagi budjet hisobidan moliyalashtirilmaydigan nobudjet tashkilotlarda moliyaviy-xoʻjalik faoliyati boʻyicha audit tadbiri oʻtkazilmagan.
Aniqlangan tizimli kamchiliklar, xavflar va ularning oldini olish hamda bartaraf etish boʻyicha koʻrilayotgan choralar (taklif va tavsiyalar)
Oʻtkazilgan audit tadbirlari natijalarida aniqlangan moliyaviy, xato va kamchiliklarni tugatish hamda bunday kamchiliklarga yoʻl qoʻygan muassasa rahbari nomiga koʻrsatma berilishi bilan bir qatorda viloyat sogʻliqni saqlash boshqarmasi boshligʻi nomiga bildirishnomalar kiritilmoqda.
Vazirlik (idora) faoliyatida budjet intizomini mustahkamlash, xavflarni profilaktika qilish hamda budjet xarajatlari natijadorligi va samaradorligini oshirish boʻyicha takliflar.
Vazirlikda budjet intizomini mustahkamlash, shaffoflikni taʼminlash, xavflarni profilaktika qilish hamda budjet xarajatlari natijadorligi va samaradorligini oshirish boʻyicha sogʻliqni saqlash sohasining oʻziga xos jihatlarini alohida eʼtiborga olish lozim.
Ichki audit xizmati faoliyatini rivojlantirish boʻyicha takliflar.
Ichki audit yoʻnalishi boʻyicha xalqaro standartlar va ilgʻor xorijiy tajribalarni oʻrganish maqsadida xalqaro auditorlik tashkilotlari va universitetlari (NANGING audit universiteti, PEMPAL ichki audit hamjamiyati, KPMG-xalqaro audit-konsalting korporatsiyasi va hokazo) bilan hamkorlikni yoʻlga qoʻyish.
Ichki audit departamenti mutaxassislarini malakasini va xorijiy tajribalarini oshirish maqsadida rivojlangan davlatlarning xalqaro auditorlik tashkilotlariga xizmat safariga yuborish.
Buning natijasida mamlakatimizning Sogʻliqni saqlash tizimida xalqaro amaliyotda qoʻllanilayotgan audit standartlari joriy etiladi.
Sogʻliqni saqlash tizimi uchun ichki audit sohasida ilgʻor xalqaro amaliyot asosida qoʻllanmalar tayyorlanadi.
Mamlakatlar ekspertlarining tajriba almashishi uchun muloqot maydoni yaratiladi.
Sogʻliqni saqlash tizimining yoʻnalishlari boʻyicha samaradorlik, strategik va muvofiqlik audit tadbirlarini oʻtkazishda ijobiy natijalarga erishiladi.
Ichki audit departamenti
boshligʻi v.b. R.Raxmonov
15.01.2025-yil
