Vaqtincha mehnatga layoqatsizlik varaqasini onlayn yuklab olishni bilasizmi?
2024-04-02 10:00:00 / Yangiliklar
Prezidentning 2023 yil 28 fevraldagi PF-27-son Farmoniga muvofiq, vaqtincha mehnatga layoqatsizlik varaqalari ma'lumotnomalari elektron shaklga o'tkazilgani haqida xabar bergan edik.
Unga ko'ra, endilikda tibbiyot muassasalari tomonidan fuqarolarning kasalligi sabab beriladigan "bolnichniy" qog'ozini olish uchun ushbu muassasalarga borish shart emas.
Shunchaki, my.gov.uz portali orqali "Sog'liqni saqlash" bo'limidan kerakli xizmatni tanlab, mehnatga layoqatsizlik varaqasini onlayn yuklab olish kifoya.
Xizmatdan foydalanishda hech qanday hujjat talab etilmaydi. Shuningdek, mutlaqo bepul!
Yuqoridagi videolavha orqali ushbu ma'lumotnomani qanday yuklab olish bo'yicha qo'llanma bilan tanishasiz.
Sog'liqni saqlash vazirligi
Matbuot xizmati.
