O‘zbеkistоn Rеspublikаsi Sоg‘liqni saqlash vаzirligi

 — Tasdiqlangan eng kam talablarga muvofiq xususiy klinikalardan tibbiy faoliyatni amalga oshirish uchun bir qancha zarur uskuna va boshqa texnik vositalar, shu jumladan, tibbiy texnikaning mavjudligi haqida ma'lumotlar talab etiladi, — deydi mutaxassis.

 — Xususan, ushbu ma'lumotda:

 tibbiy texnika, uskunalar va boshqa texnika vositalarining nomi, soni, har birining seriyasi va raqami;

 ishlab chiqaruvchisi va ishlab chiqarish sanasi;

 ushbu vositalarning ishlatilishi uchun davlat organlaridan maxsus ruxsat olish ko'zda tutilgan bo'lsa, tegishli tasdiqlovchi hujjat raqami, sanasi va hujjat bergan tashkilot nomi ko'rsatilishi lozim.

Bundan tashqari, tanlangan har bir ixtisoslik bo'yicha tibbiy ixtisoslashuvning tegishli turini amalga oshirish uchun zarur moddiy-texnik baza, asbob-uskunalar va boshqa texnik vositalar, shu jumladan tibbiy texnikaga eng kam talablar ro'yxati mavjud.

Jumladan:

 mulk huquqi yoki boshqa ashyoviy huquq bilan tegishli bo'lgan, sanitariya qoidalari, normalari va gigiena normativlariga mos lisenziyalangan faoliyat turini amalga oshirishga mo'ljallangan xonalar;

 mulk huquqi yoki boshqa ashyoviy huquq bilan tegishli bo'lgan, belgilangan metrologik me'yor va texnika xavfsizligi me'yorlariga mos uskunalar hamda boshqa texnika vositalari, shu jumladan, tibbiy texnika;

 terapevtik yo'nalish va diagnostika ixtisosliklari bo'yicha tibbiy faoliyatni amalga oshirishda sterilizasiya ishlarini bajarishga shartnoma yoki sterilizasiya bo'limi;

 tug'uruqni qabul qilish tashkil etilganda muassasada tug'uruq (jarrohlik bloki bilan), jonlantirish, chaqaloqlarni jonlantirish, muddatiga etmay tug'ilgan go'daklarni parvarish qilish, homiladorlar patologiyasi, endovizual ginekologiya bo'limlari, poliklinika (ginekologiya, neonatologiya, pediatriya, ultratovush diagnostikasi), bakteriologiya va klinik-biokimyo laboratoriyalar tashkil etish;

 xirurgiya yo'nalishidagi ixtisosliklar, shu jumladan, stomatologiya bo'yicha tibbiy faoliyatni yuritishda sterilizasiya bo'limi bo'lishi talab etiladi.

Sog'liqni saqlash vazirligi 
Matbuot xizmati.