O‘zbеkistоn Rеspublikаsi Sоg‘liqni saqlash vаzirligi

 — Xususiy tibbiyot — doimiy rivojlanib boruvchi soha bo'lib, uning faoliyati belgilangan talablar asosida tartibga solib boriladi, — deydi u. — Unga ko'ra, nodavlat klinikalarda faoliyat yuritish uchun shifokor va o'rta tibbiyot xodimlari malakasiga bir qancha talablar qo'yilgan.

Jumladan:

 stasionar turdagi nodavlat tibbiyot tashkilotida operasiya bo'limini tashkil etish uchun jarrohlik amaliyotini bajaruvchi xirurg hamda anesteziolog-reanimatolog ixtisosligi bo'yicha kamida birinchi malaka toifasiga, assistent-vrach xirurgiya ixtisosligi bo'yicha malaka toifasiga, anesteziologiya-reanimatologiya hamda operasiya xonasi hamshirasi kamida birinchi malaka toifasiga;

 bosh shifokor — oliy tibbiy ma'lumot va malakaviy toifa, boshqa vrach-mutaxassislar (oliy tibbiy ta'lim ma'lumotiga ega bo'lmagan, xalq tabobati usullaridan foydalangan holda tibbiy faoliyat bilan shug'ullanuvchi shaxslardan tashqari) tegishli tibbiy mutaxassislik bo'yicha oliy ma'lumot va malakaviy toifaga;
 xorijiy mutaxassis — agar u operasiya qiluvchi vrach bo'lsa, kamida etti yillik ish staji yoki etakchi tibbiy muassasalar yoxud klinikalarning operasiya qiluvchi vrachining zarur kasbiy ko'nikmalarga ega ekanligini tasdiqlovchi tavsiyanomasiga;

 tug'ruqni qabul qilish — akusher-ginekolog, anesteziolog-reanimatolog, neonatolog va klinik laborant-vrachlar kamida birinchi malakaviy toifaga;

 mutaxassis-vrachlar — belgilangan tartibda olingan malaka oshirish bo'yicha amaldagi sertifikatga;

 xorijiy ta'lim muassasasini tamomlagan mutaxassis — xorijiy mamlakatlarda olingan ma'lumot to'g'risidagi hujjatlarning nostrifikasiyasi (ekvivalentligini belgilash)ga oid guvohnomaning davlat namunasi (agar nostrifikasiya qilish talab etilsa) hamda mutaxassisligi bo'yicha malakasini tasdiqlovchi hujjatga;

 tibbiyot xodimi — sterilizasiya uskunasida ishlash bo'yicha o'quvdan o'tganligini tasdiqlovchi hujjat (agar sterilizasiya bo'limi mavjud bo'lsa)ga ega bo'lishi talab etiladi.

Sog'liqni saqlash vazirligi 
Matbuot xizmati.