O‘zbеkistоn Rеspublikаsi Sоg‘liqni saqlash vаzirligi

Xususan, tashrif arafasida Parij shahrida bo'lib o'tgan "O'zbekiston – Frantsiya" birinchi tibbiyot forumi doirasida Frantsiya sog'liqni saqlash vaziri Yannik Noyder mamlakatimiz sog'liqni saqlash vaziri Asilbek Xudayarov boshchiligidagi delegasiyani qabul qildi.

Muloqot davomida ikki tomonlama hamkorlik aloqalarini rivojlantirish masalalari muhokama qilindi.

Ma'lumotlarga ko'ra, Frantsiya sog'liqni saqlash tizimi aholi salomatligining yuqori darajasi, tibbiy xizmatlardan foydalanish osonligi, davolanish uchun navbatlar yo'qligi va butun aholi malakali tibbiy xizmat bilan qamrab olinganligi kabi mezonlar bo'yicha JSST reytingida yuqori o'rinlarni egallaydi. Shu ma'noda, mazkur davlat bilan sog'liqni saqlash sohasida hamkorlik aloqalarini mustahkamlash foydalidir.

Vazirlar o'rtasidagi uchrashuvning eng muhim qismi ikki tomonlama ahdlashuv deklarasiyasi imzolanishi bo'ldi.

Frantsiya sog'liqni saqlash vaziri Yannik Noyder qayd etganidek, bu deklarasiya o'zaro hamkorlikning birinchi institusional bosqichi bo'lib, maqsadlarni aniq harakatlarga aylantiradi. 

Ushbu hujjatda tibbiyot mutaxassislari o'rtasida tajriba almashish, kasalliklarni erta bosqichda aniqlash va samarali davolashda yuqori texnologik echimlar, chunonchi, sun'iy intellekt imkoniyatlaridan foydalanish kabi masalalar aks etgan.

Shuningdek, delegasiyamiz safar doirasida Frantsiyaning etakchi sog'liqni saqlash muassasalari faoliyati bilan yaqindan tanishdi. Xususan, ular Parij shahri yaqinidagi Syuren shaharchasida joylashgan notijorat o'quv shifoxonasi — fosh gospitalida bo'ldi. 

Bundan tashqari, vakillarimiz onkologik kasalliklarni davolashga ixtisoslashtirilgan, o'z yo'nalishida Evropada etakchi, dunyodagi eng yaxshi tibbiy muassasalar o'ntaligiga kiruvchi Gustav Russi instituti faoliyati bilan ham yaqindan tanishdi. 

SSV matbuot xizmatining Frantsiyadan shu haqda tayyorlagan videolavhasi yaqin soatlarda e'tiboringizga havola etiladi.

Sog'liqni saqlash vazirligi
Matbuot xizmati.