Sog'liqni saqlash vazirining tegishli buyrug'i bilan Boboev Alisher Shukrullaevich Qashqadaryo viloyati sog'liqni saqlash boshqarmasi boshlig'i etib tayinlandi
2023-10-28 14:40:00 / Yangiliklar
A.Boboev 1996 yilda Toshkent davlat tibbiyot institutini tamomlab, ushbu oliy o'quv yurtining klinik ordinatura yo'nalishida tahsil olgan.
Mehnat faoliyatini 1998 yilda Toshkent davlat tibbiyot institutida katta laborant sifatida boshlagan.
Turli yillarda Toshkent farmasevtika instituti tibbiy biologik fanlar kafedrasi katta laboranti, Toshkent shahar Olmazor tumani ko'p tarmoqli Markaziy poliklinikasi, 1-sonli Respublika klinik shifoxonasi maslahat-diagnostika poliklinikasi hamda Respublika klinik shifoxonasi urologiya bo'limi kabi qator muassasalarda shifokor-urolog lavozimlarida ishlagan.
II darajali "Salomatlik" ordeni bilan taqdirlangan A.Boboev tayinlovga qadar Sog'liqni saqlash vazirligi kotibiyati bosh mutaxassisi sifatida faoliyat yuritib kelayotgan edi.
Sog'liqni saqlash vazirligi
Matbuot xizmati.