Samarqandda bolalar onkologiyasi bo‘yicha II xalqaro kongress o‘tkaziladi
2026-10-19 12:00:00 / Yangiliklar

21–22-oktabr kunlari Samarqandda bo‘lib o‘tadigan “Bolalar farovonligiga investitsiyalar” jahon sammiti doirasida Bolalar onkologiyasi bo‘yicha II xalqaro kongress tashkil etiladi.
Mazkur ilmiy-amaliy muloqot bolalar saratoniga qarshi kurashishda ilg‘or tibbiy tajribalarni birlashtirish, diagnostika va davolash imkoniyatlarini kengaytirish hamda xalqaro hamkorlikni rivojlantirishga qaratilgan.
Kongressning ustuvor yo‘nalishlari — kasalliklarni o‘z vaqtida aniqlash, zamonaviy diagnostika, dori ta’minoti, pretsizion terapiya, o‘zak hujayralar transplantatsiyasi va hujayra texnologiyalari.
Shuningdek, reabilitatsiya, palliativ yordam, infeksiya nazorati va bolalarni uzoq muddatli qo‘llab-quvvatlash masalalari ham muhokama etiladi.
Asosiy e’tibor — tashxis qo‘yishdan davolash va keyingi kuzatuvgacha bo‘lgan jarayonda bolaning salomatligi, hayot sifati hamda oilasini qo‘llab-quvvatlashga qaratiladi.
Kongress xalqaro mutaxassislar o‘rtasida bilim va tajriba almashish, ilmiy yondashuvlarni amaliyot bilan bog‘lash va kelgusidagi hamkorlik imkoniyatlarini muhokama qilish uchun maydon bo‘ladi.
Har bir bola sifatli tibbiy yordam, g‘amxo‘rlik va munosib kelajak imkoniyatiga ega bo‘lishi kerak.
Batafsil ma’lumot:
investinchildren.uz
Ijtimoiy tarmoqlarimiz:
https://taplink.cc/investinchildren







