SSV: O'zbekistonda xususiy tibbiyot muassasalari soni 9200 taga etdi
2024-08-29 12:05:00 / Yangiliklar
Xususan, so'nggi etti yil davomida tibbiyot yo'nalishida xususiy sektor ulushini oshirish, nodavlat tibbiyot muassasalari faoliyatini har tomonlama qo'llab-quvvatlash va rivojlantirish borasida keng ko'lamli ishlar amalga oshirilyapti.
Natijada, 2017 yilda xususiy shifoxonalar soni 3 454 tani tashkil etgan bo'lsa, bugunga kelib, ularning soni 9200 taga etdi. E'tiborlisi, bu ko'rsatkich har yili o'rtacha 500-600 taga ortyapti.
Tibbiyotning nodavlat sektorida ixtisoslik turlari 50 tadan 225 taga ko'paydi. Soliq va bojxona imtiyozlari 2024 yil yakuniga qadar uzaytirildi.
Shuningdek, xususiy shifoxonalarning tibbiyot ixtisosliklari bo'yicha lisenziya olishiga imkon yaratildi.
2 308 ta ambulator va 421 ta stasionar sharoitda faoliyat olib boradigan yangi xususiy shifoxonalar tashkil etildi.
3 704 ta mavjud nodavlat klinikalar yangi tibbiy ixtisoslik hisobiga o'z faoliyatlarini kengaytirdi.
Ta'kidlash lozimki, ayni paytda yurtimizdagi barcha tibbiyot muassasalarida tashkil etilgan o'rin-joylarning 35 foizi xususiy sektor ulushiga to'g'ri kelmoqda.
Sog'liqni saqlash vazirligi
Matbuot xizmati