Olti turdagi saraton kasalliklari bo‘yicha tibbiy tekshiruvlar qamrovi kamida 60 foizga yetkaziladi
2026-07-13 11:00:00 / Yangiliklar
Prezidentimizning shu yil 24 iyundagi “Saraton kasalliklarining oldini olish, erta aniqlash va davolash chora-tadbirlarini takomillashtirish to‘g‘risida”gi qarori asosida onkologik xastaliklarga qarshi kurashishning asosiy maqsadlari belgilandi.
Xo‘sh, ular nimalardan iborat?
Avvalo, aholi o‘rtasida eng ko‘p uchraydigan 6 turdagi saraton kasalliklari bo‘yicha tibbiy tekshiruvlar qamrovi kamida 60 foizga yetkaziladi.
Bular:
Bachadon bo‘yni saratoni
Ko‘krak bezi saratoni
Yo‘g‘on ichak saratoni
Oshqozon saratoni
Prostata bezi saratoni
O‘pka saratoni.
Xastalikni 1-2-bosqichlarida aniqlash 30 foizdan 40 foizgacha oshiriladi.
Bunday bemorlar orasida 5 yillik umr ko‘rish davomiyligi ko‘rsatkichi 35 foizdan kamida 45 foizga oshiriladi.
Har 100 ming aholi o‘rtasida bu turdagi kasalliklar tufayli o‘limlar 5,1 ko‘rsatkichdan 3,7 ga qisqartiriladi.
SSV Matbuot xizmati.