Sog‘liqni saqlash vazirligining tegishli buyrug‘i bilan Alijanov Abrorjon Alijon o‘g‘li Namangan viloyati sog‘liqni saqlash boshqarmasi boshlig‘i etib tayinlandi
2026-06-22 12:50:00 / Yangiliklar
Sog‘liqni saqlash vazirligining tegishli buyrug‘i bilan Alijanov Abrorjon Alijon o‘g‘li Namangan viloyati sog‘liqni saqlash boshqarmasi boshlig‘i etib tayinlandi.
A. Alijanov 2003-yilda Andijon davlat tibbiyot institutining bakalavriat, 2006-yilda mazkur oliy o‘quv yurtining magistratura bosqichlarini tamomlagan.
Turli yillarda Respublika shoshilinch tibbiy yordam ilmiy markazining Namangan filialida jarroh, bo‘lim boshlig‘i, bosh shifokor o‘rinbosari hamda direktor, shuningdek, Sog‘liqni saqlash vazirligi Nazorat inspeksiyasi boshlig‘i kabi mas’ul vazifalarda ishlagan.
Tibbiyot fanlari bo‘yicha falsafa doktori (PhD) A. Alijanov tayinlovga qadar vazirlikning Tibbiy yordamni tashkillashtirish departamenti boshlig‘i lavozimida faoliyat ko‘rsatib kelayotgan edi.
SSV Matbuot xizmati.