Sog'liqni saqlash vazirining tegishli buyrug'i bilan Alimov Ahrorbek Abdurasulovich bolalar milliy tibbiyot markazi direktorining davolash ishlari bo'yicha o'rinbosari etib tayinlandi
2026-05-05 15:30:00 / Yangiliklar
A. Alimov 2014 yilda Toshkent pediatriya tibbiyot institutinnig bakalavriat, 2017 yilda magistratura bosqichini tamomlagan.
Mehnat faoliyatini Toshkent shahar bolalar klinik shifoxonasida navbatchi reanimatolog sifatida boshlab, 2017 yildan Toshkent pediatriya tibbiyot instituti "shoshilinch pediatriya, halokatlar tibbiyoti" kafedrasi assistenti sifatida ishlagan.
Tibbiyot fanlari bo'yicha falsafa doktori (PhD) A.Alimov tayinlovga qadar bolalar milliy tibbiyot markazining Anesteziologiya va reanimasiya bo'limi mudiri sifatida mehnat qilib kelayotgan edi.
Shuningdek, yosh mutaxassis bolalarda intensiv davolash yo'nalishi bo'yicha bir yil davomida dunyoning eng kuchli top-100 oliy o'quv yurtlari ro'yxatiga kiritilgan Seul Milliy universitetining tibbiyot fakultetida bilim va malaka oshirib qaytgan.
Yangi rahbarga yurtimizda bolalar tibbiyoti sohasiga eng ilg'or diagnostika va davolash usullari, sun'iy intellekt va robot texnologiyalarini keng tatbiq etish, tibbiy xizmatlar sifati va bemorlar xavfsizligini oshirish, soha mutaxassislari kasbiy malakasini uzluksiz rivojlantirish, ixtisoslashtirilgan tibbiy xizmatni quyi bo'g'inlarga tushirish kabi qator vazifalar yuklatildi.
Sog'liqni saqlash vazirligi
Matbuot xizmati.