Sog'liqni saqlash vazirining tegishli buyrug'i bilan Obilov Azimjon O'razalievich Jizzax viloyati sog'liqni saqlash boshqarmasi boshlig'ining birinchi o'rinbosari
2026-02-17 13:55:00 / Yangiliklar
A. Obilov 1998 yili Samarqand davlat tibbiyot institutining davolash fakultetini, 2004 yilda tibbiyot xodimlarining kasbiy malakasini rivojlantirish markazi klinik ordinatura bosqichini tamomlagan.
Mehnat faoliyati davomida Respublika ixtisoslashtirilgan ftiziatriya va pulmonologiya markazining Qashqadaryo viloyati filiali bosh shifokori, direktori, Jizzax viloyati sog'liqni saqlash boshqarmasi tibbiy yordamni tashkillashtirish sho''basi mudiri kabi mas'ul vazifalarda ishlagan.
Tayinlovga qadar A.Obilov Zafarobod tumani tibbiyot birlashmasi boshlig'i lavozimida mehnat qilib kelayotgan edi.
Yangi rahbarga Jizzax viloyatida aholiga birlamchi tibbiy xizmat ko'rsatish sifatini yanada yaxshilash, ixtisoslashtirilgan tibbiy xizmatlarni mahallalar darajasiga tushirish, sun'iy intellekt texnologiyalarini amaliyotga keng tatbiq etish, diagnostika va davolash standartlariga rioya qilinishini nazorat qilish, kasalliklarni erta bosqichda aniqlash hamda oldini olish kabi qator vazifalar yuklatildi.
Sog'liqni saqlash vazirligi
Matbuot xizmati.