Sog'liqni saqlash vazirining tegishli buyrug'i bilan Boboqulov Akbar Nurmaxmat o'g'li Toshkent viloyati sog'liqni saqlash boshqarmasi boshlig'ining raqamlashtirish bo'yicha o'rinbosari etib tayinlandi
2026-01-06 11:25:00 / Yangiliklar
A. Boboqulov 2018 yilda Toshkent pediatriya tibbiyot institutining bakalavriat, 2020 yilda magistratura bosqichlarini tamomlagan. Mehnat faoliyatini Chirchiq shahar tibbiyot birlashmasi tez tibbiy yordam stantsiyasida shifokor sifatida boshlagan.
Keyinchalik 2-son Zangiota yuqumli kasalliklar shifoxonasida shifokor, aholining sog'lom turmush tarzini qo'llab-quvvatlash va jismoniy faolligini oshirish markazi Toshkent viloyati hududiy bo'limi boshlig'i, viloyat sog'liqni saqlash boshqarmasi bosh mutaxassisi kabi vazifalarda ishlagan.
Tayinlovga qadar A. Boboqulov Toshkent viloyati sog'liqni saqlash boshqarmasi tibbiy yordamni tashkillashtirish bo'limi boshlig'i lavozimida mehnat qilib kelayotgan edi.
Yangi rahbarga tibbiyotni raqamlashtirish jarayonini takomillashtirish, axborot tizimlarining joylarda to'liq ishlashini ta'minlash, tizimga sun'iy intellekt texnologiyalarini keng tatbiq etish hamda xodimlarning bilim va ko'nikmalarini oshirish kabi vazifalar yuklatildi.
Sog'liqni saqlash vazirligi
Matbuot xizmati.