Sog'liqni saqlash vazirligida "tibbiyot tizimini moliyalashtirish va strategik xaridlar nazariyasi asoslari" mavzuida seminar bo'lib o'tmoqda
2024-04-30 16:00:00 / Yangiliklar
Sog'liqni saqlash vazirligida "tibbiyot tizimini moliyalashtirish va strategik xaridlar nazariyasi asoslari" mavzuida seminar bo'lib o'tmoqda. Uning tashkilotchilari — JSST, vazirlik, "Sog'liqni saqlash loyihalari markazi" loyiha ofisi hamda Davlat tibbiy sug'urta jamg'armasi.
JSST sog'liqni saqlash tizimini moliyalashtirish bo'yicha xalqaro maslahatchisi Aleksandr kasaga ishtirokidagi seminarda Sog'liqni saqlash, Iqtisodiyot va moliya vazirliklari hamda jamg'arma vakillari ishtirok etmoqda.
Ikki kunlik seminarda sohani moliyalashtirish tizimi, tibbiy kafolatlar dasturi, strategik xaridlar tizimi, stasionar yordamni moliyalashtirishdagi yondashuv, sohada axborot tizimlarining o'rni kabi mavzular qamrab olinadi.
Ma'lumot uchun: Aleksandr kasaga ushbu yo'nalishda katta tajribaga ega bo'lib, Rossiya, Estoniya, Albaniya, Ozarbayjon, Gana, Chili, Qozog'istonda sog'liqni saqlashni moliyalashtirishda axborot tizimlarini ishlab chiqish bilan shug'ullangan.
Sog'liqni saqlash vazirligi
Matbuot xizmati.
