Navoiy viloyati delegatsiyasi Qozondagi yirik qurilish kompaniyalaridan biri "Unistroy" faoliyati bilan tanishdi
2025-05-14 15:10:00 / Yangiliklar
Normat Tursunov boshchiligidagi Navoiy viloyati delegatsiyasi Qozondagi yirik qurilish kompaniyalaridan biri "Unistroy" faoliyati, xususan uning qurilish maydonlari va qurib bitirilgan obyektlari bilan tanishdi.
Qariyb 28 yil davomida qulay turar-joy majmualari, mahallalar, tijorat majmualarini yaratayotgan kompaniya Tatariston Respublikasida birinchilikni egallab, Rossiyadagi developer kompaniyalarning TOP-25 taligiga kiritilgan.
Normat To‘lqinovich kompaniya direktori Radik Salimgarayev bilan uchrashib, muzokaralar olib bordi. Yangi Navoiy shaharchasi qurilish jarayonlarida mazkur kompaniyaning ilg‘or texnologiyalaridan foydalanish masalalari ko‘rib chiqildi.