Navoiyda “Silk Road Uzbekistan” va “Talaba yugur” ommaviy yugurish marafoni oʻtkazildi
2026-09-17 11:50:00 / Sport va madaniyat
Bugun Navoiy shahrida talaba yoshlar hamda harbiy xizmatchilar oʻrtasida 3 kilometr masofaga moʻljallangan “Silk Road Uzbekistan” va “Talaba yugur” nomli navbatdagi ommaviy yugurish marafoni boʻlib oʻtdi.
Tadbir doirasida marafonga Navoiy shahridagi Islom Karimov shoh ko‘chasidan start berildi. Unda 5 mingdan ortiq ishtirokchi va sportsevar yoshlar marra sari saf tortib, oʻzaro birinchilik uchun imkoniyatlarini sinovdan oʻtkazdi.
Musobaqa yakunida gʻolib va sovrindorlarni tantanali taqdirlash marosimi tashkil etildi. Unda Navoiy viloyat sport boshqarmasi boshlig'i J.Murtozayev hamda soha masʼullari ishtirok etib, gʻoliblarga diplom va medallarni topshirdi.