Import o‘rnini bosuvchi mahsulotlar va avtomobilsozlik: Navoiyda yangi quvvatlar ishga tushirilmoqda
2026-07-05 13:15:00 / Yangiliklar
Navoiy viloyati rahbari Normat Tursunov shahardagi “Gidro Stanko Servis” mas’uliyati cheklangan jamiyatida bo‘lib, ishlab chiqarish jarayonlari va istiqbolli rejalar bilan tanishdi.
Korxona mahalliylashtirish dasturi doirasida salmoqli natijalarga erishgan. Bugungi kunda 100 dan ortiq yirik qurilmalar, 1000 dan ziyod turdagi ehtiyot qismlar import o‘rnini bosish maqsadida shu yerning o‘zida tayyorlanmoqda.
Shuningdek, korxona tomonidan avtomobilsozlik sanoatiga yo‘naltirilgan qo‘shimcha loyiha amalga oshirilmoqda. Ayni paytda yangi tarmoqning qurilish ishlari qizg‘in pallada bo‘lib, viloyat hokimi ob’yektdagi bunyodkorlik sur’atlarini bevosita joyida o‘rgandi.