YANGI LOYIHALAR AMALGA OSHIRILMOQDA
2026-06-29 16:55:00 / Yangiliklar
Navoiy viloyati hokimi Normat Tursunov Karmana tumanida joylashgan "Zarafshan Industries Technology" MCHJ faoliyati bilan tanishdi hamda korxona hududida amalga oshirilayotgan yangi investitsiya loyihalari yuzasidan mutasaddilar bilan muloqot qildi.
Ta’kidlanganidek, kimyo texnoparkini barpo etish doirasida jami 18 ta investitsiya loyihasini amalga oshirish rejalashtirilgan. Ayni paytda shularning 2 tasida ishlab chiqarish yo‘lga qo‘yilib, mahsulot ishlab chiqarish boshlangan, 5 ta loyihada esa qurilish-montaj ishlari jadal sur’atlarda olib borilmoqda.
Loyihalar to‘liq amalga oshirilgandan so‘ng 2 000 ta yangi ish o‘rni yaratilishi ko‘zda tutilgan.
Tashrif davomida viloyat hokimi loyihalarni belgilangan muddatlarda ishga tushirish, qurilish ishlari sifatini ta’minlash, muhandislik-kommunikatsiya infratuzilmasini yanada takomillashtirish hamda investorlarning mavjud muammolarini tezkor hal etish yuzasidan mutasaddilarga tegishli topshiriqlar berdi.