Ilm-fan va innovatsiyalar sohasida xorijiy davlatlar bilan amalga oshirilgan ishlar bo‘yicha

MA’LUMOT

2026-yil I yarim yilligida ilm-fan va innovatsiyalar sohasida xalqaro hamkorlik aloqalarini yoʻlga qoʻyish hamda rivojlantirish maqsadida 30 ga yaqin xorijiy hamkorlar bilan uchrashuvlar oʻtkazilib, natijada 5 ta Anglashuv memorandumi imzolandi hamda 4 ta xalqaro tadbirlar tashkil etildi. 

         I Memorandumlar:

1. 2026-yil 21-yanvar kuni Innovatsion rivojlanish agentligi, Ilm-fanni moliyalashtirish va innovatsiyalarni qo‘llab–quvvatlash jamg’armasi hamda Italiyaning Roma Tre Universiteti o‘rtasida ilmiy stajirovkalar tashkil etish yuzasidan o‘zaro anglashuv memorandumi imzolandi.
2. 2026-yil 26-mart kuni Innovatsion rivojlanish agentligi va Tojikiston Respublikasi Prezidenti huzuridagi Innovatsiyalar va raqamli texnologiyalar agentligi o‘rtasida o‘zaro anglashuv memorandumi imzolandi. Mazkur memorandum Tojikiston Respublikasi Prezidentining O‘zbekiston Respublikasiga oliy darajadagi tashrifi doirasida imzolandi.
3. 2026-yil 4-may kuni Innovatsion rivojlanish agentligi, Ilm-fanni moliyalashtirish va innovatsiyalarni qo‘llab–quvvatlash jamg’armasi hamda Koreya Respublikasining Sejong Universiteti o‘rtasida ilmiy stajirovkalar tashkil etish yuzasidan o‘zaro anglashuv memorandumi imzolandi.
4. 2026-yil 15-may kuni Innovatsion rivojlanish agentligi, Ilm-fanni moliyalashtirish va innovatsiyalarni qo‘llab–quvvatlash jamg’armasi hamda Italiyaning Padua Universiteti o‘rtasida ilmiy stajirovkalar tashkil etish va qo’shma ilmiy loyihalarni amalga oshirish yuzasidan o‘zaro anglashuv memorandumi imzolandi.

1. 2026-yil 23-may kuni Innovatsion rivojlanish agentligi hamda Sho‘rlanish sharoitida biodehqonchilik xalqaro markazi (ICBA) o‘rtasida Orolbo‘yi mintaqasida global iqlim o‘zgarishi, suv taqchilligi va tuproq sho‘rlanishi kabi o‘tkir muammolarga qarshi birgalikda kurashish hamda hududda yashil innovatsiyalarni keng joriy etishga qaratilgan hamkorlik shartnomasi imzolandi.

       II. Uchrashuvlar:

1. 2026-yil 30-yanvar kuni Innovatsion rivojlanish agentligi hamda Sho‘rlanish sharoitida biodehqonchilik xalqaro markazi (ICBA) o‘rtasida uchrashuv bo‘lib o‘tdi. ICBA bilan Qoraqalpog‘istonda barqaror qishloq xo‘jaligi sohasini rivojlantiirish masalalari muhokama qilindi.
2. 2026-yil 27-fevral kuni Germaniyaning yetakchi oliy taʼlim tashkilotlaridan biri Drezden texnika universiteti vakillari hamda Innovatsion rivojlanish agentligi mutaxassislari o‘rtasida uchrashuv bo‘lib o‘tdi.
3. 2026-yil 4-mart kuni O‘zbekistonning startap ekotizimini rivojlantirish maqsadida Janubiy Koreyaning “Global Startup Center” vakillari bilan uchrashuv bo‘lib o‘tdi.
4. 2026-yil 8-aprel kuni Innovatsion rivojlanish agentligida Janubiy Koreyaning nufuzli Cheju Halla universiteti (Cheju Halla University) delegatsiyasi vakillari bilan uchrashuv bo‘lib o‘tdi. 
5. 2026-yil 15-aprel kuni Oliy ta’lim, fan va innovatsiyalar vaziri o‘rinbosari O‘ktam Salomov boshchiligidagi O‘zbekiston delegatsiyasi Xitoy Xalq Respublikasida o‘tkazilayotgan O‘zbekiston–Xitoy Hukumatlararo ilmiy-texnik hamkorlik bo‘yicha quyi komissiyaning 7-yig‘ilishida ishtirok etdilar. Xizmat safari doirasida Chuntsin universiteti bilan uchrashuv bo‘lib o‘tdi.
6. 2026-yil 16-aprel kuni Xitoy Xalq Respublikasiga xizmat safari doirasida Oliy ta’lim, fan va innovatsiyalar vaziri o‘rinbosari O‘ktam Salomov boshchiligidagi delegatsiya vakillari “HICOOL” global innovatsiya va tadbirkorlik ekotizimi rahbariyati bilan uchrashuv o‘tkazdi.
7. 2026-yil 16-aprel kuni Oliy ta’lim, fan va innovatsiyalar vaziri o‘rinbosari O‘ktam Salomov boshchiligidagi delegatsiya Xitoy Xalq Respublikasining Milliy tabiiy fanlar jamg‘armasi bilan uchrashuv o‘tkazdi.
8. 2026-yil 20-aprel kuni Innovatsion rivojlanish agentligida Gruziya Iqtisodiyot va barqaror rivojlanish vazirligi huzuridagi Gruziya innovatsiyalar va texnologiyalar agentligi (GITA) raisi o‘rinbosari Tornike Jobava boshchiligidagi delegatsiya bilan uchrashuv bo‘lib o‘tdi.
9. 2026-yil 20-aprel kuni O‘zbekiston Respublikasi Oliy ta’lim, fan va innovatsiyalar vazirligi huzuridagi Innovatsion rivojlanish agentligida Ozarbayjon Respublikasi Ilm-fan va oliy ta’lim davlat agentligi rahbariyati bilan rasmiy uchrashuv bo‘lib o‘tdi. 
10. 2026-yil 28-aprel kuni Innovatsion rivojlanish agentligi direktori v.v.b Asror Norov boshchiligidagi delegatsiyaning Koreya Respublikasida xizmat safarlari dasturi doirasida qator muhim uchrashuvlar bo‘lib o‘tdi. Xususan, KVIC (Korea Venture Investment Corp), Changup hamda Handong Global University vakillari bilan uchrashuvlar tashkil etildi.
11.  2026-yil 28-aprel kuni Rossiya Federatsiyasi Savdo-sanoat palatasi Kongress markazida Mustaqil Davlatlar Hamdo‘stligiga a’zo davlatlarning ilmiy-texnika va innovatsiyalar sohasidagi hamkorligi bo‘yicha Davlatlararo kengashning 37-yig‘ilishi bo‘lib o‘tdi. Unda MDH Ijroiya qo‘mitasi, Rossiya Federatsiyasi Prezidenti administratsiyasi, tegishli vazirlik va idoralar, rivojlanish institutlari, ilmiy tashkilotlar va ishbilarmon doiralar vakillari, shuningdek, Innovatsion rivojlanish agentligi xodimlaridan iborat ishchi guruh ishtirok etdi.

1. 2026-yil 6-may kuni Innovatsion rivojlanish agentligi direktori v.v.b Asror Norov hamda Sho‘rlanish sharoitida biodehqonchilik xalqaro markazi (ICBA) bosh direktori, doktor Tarifa Alzaabi o‘rtasida navbatdagi uchrashuv bo‘lib o‘tdi.
2. 2026-yil 7-may kuni Innovatsion rivojlanish agentligida Koreyaning Fan va texnologiya siyosati instituti (STEPI) ekspertlari bilan navbatdagi amaliy uchrashuv bo‘lib o‘tdi. Mazkur muloqot 2025–2027-yillarga mo‘ljallangan “Texnoparklar bo‘yicha O‘zbekiston milliy strategiyasi” loyihasini hayotga tatbiq etish yo‘lidagi muhim qadamdir.
3. 2026-yil 12-may kuni Innovatsion rivojlanish agentligida Koreya Respublikasining Gyeongnam texnoparki direktori Jung-hwan Kim boshchiligidagi delegatsiya bilan uchrashuv bo‘lib o‘tdi.
4. 2026-yil 20-may kuni Innovatsion rivojlanish agentligi delegatsiyasi Bangkok shahrida bo‘lib o‘tgan “Global tadqiqot kengashining (GRC) 2026-yilgi 14-yillik yig‘ilishi” xalqaro forumida ishtirok etdi. Mazkur nufuzli tadbir doirasida Innovatsion rivojlanish agentligi delegatsiyasi Indoneziya Respublikasining Milliy tadqiqotlar va innovatsiyalar agentligi raisi o‘rinbosari doktor Agus bilan uchrashuv o‘tkazdi.
5. 2026-yil 21-may kuni Bangkok shahrida “Global tadqiqot kengashining 2026-yilgi 14-yillik yig‘ilishi”ning yakuniy marosimi bo‘lib o‘tdi. Mazkur tadbirda Innovatsion rivojlanish agentligi vakili Nargiza Mirraximova “Barqaror hamjamiyatlar uchun ilmiy tadqiqotlar” mavzusidagi muhokama yig‘ilishiga moderatorlik qildi.
6. 2026-yil 23-may kuni Innovatsion rivojlanish agentligi direktori v.v.b. Asror Norov hamda Sho‘rlanish sharoitida biodehqonchilik xalqaro markazi (ICBA) bosh direktori, doktor Tarifa Al Zaabi o‘rtasida navbatdagi uchrashuv bo‘lib o‘tdi. Uchrashuv yakunida Orolbo‘yi mintaqasida global iqlim o‘zgarishi, suv taqchilligi va tuproq sho‘rlanishi kabi o‘tkir muammolarga qarshi birgalikda kurashish hamda hududda yashil innovatsiyalarni keng joriy etishga qaratilgan hamkorlik shartnomasi imzolandi.
7. 2026-yil 23-iyul kuni SATREPS-2020 dasturi doirasidagi Qo‘shma muvofiqlashtirish qo‘mitasi (JCC)ning 5-yig‘ilishidan so‘ng, Innovatsion rivojlanish agentligi vakillari Yaponiya fan va texnologiya agentligi (JST)ning professori Yamaguchi, shuningdek, Kyoto, Kobe va Mie universitetlari professorlari hamda loyiha ekspertlari bilan uchrashuv o‘tkazdilar. 
8. 2026-yil 29-iyul kuni Innovatsion rivojlanish agentligida Xitoyning “Beijing Silk Road Culture Development” tashkiloti vakillari bilan uchrashuv bo‘lib o‘tdi.
9. 2026-yil 10-avgust kuni Oliy ta’lim, fan va innovatsiyalar vazirligida O‘zbekiston–Koreya Respublikasi hamkorligi doirasida startap ekotizimini rivojlantirish va venchur moliyalashtirishni rag‘batlantirish masalalariga bag‘ishlangan “Yuqori darajadagi muloqot” uchrashuvi bo‘lib o‘tdi.
10. 2026-yil 6-avgust kuni Yaponiya Yer, infratuzilma, transport va turizm vazirligi (MLIT) va Innovatsion rivojlanish agentligi ishtirokida Yaponiyaning Mitsubishi UFJ Research & Consulting Co., Ltd. (MURC) kompaniyasi tomonidan tayyorlangan “Aqlli shahar tizimlari bo‘yicha xalqaro hamkorlik” loyihasini muhokama qilishga bag‘ishlangan onlayn uchrashuv tashkil etildi.
11. 2026-yil 11- avgust kuni Innovastion rivojlanish agentligida Yaponiyaning NIPPON KOEI kompaniyasi tomonidan ishlab chiqilgan “Toshkent shahrida “Aqlli shahar”ni rivojlantirish uchun odamlar oqimini tahlil qilish” loyihasi taqdimoti bo‘lib o‘tdi. Taqdimotlarda MLIT vakillari, Innovatsion rivojlanish agentligi, Toshkent shahrida yo‘l harakatini tashkil etish markazi, “Toshkent metropoliteni” AJ hamda “O‘zbekiston temir yo‘llari” AJ mutaxassislari ishtirok etdi.
    
     

       III. Xalqaro tadbirlar:

1. 2026-yil 21-aprel kuni “Innoprom. Markaziy Osiyo” xalqaro sanoat ko‘rgazmasi doirasida Hamdo‘stlik mamlakatlarining innovatsion salohiyatini birlashtirishga qaratilgan “MDH innovatsion sanoat forumi” bo‘lib o‘tdi.=
2. 2026-yil 23-iyul kuni Innovatsion rivojlanish agentligida SATREPS-2020 dasturi doirasidagi Qo‘shma muvofiqlashtirish qo‘mitasi (JCC) ning 5-yig‘ilishi bo‘lib o‘tdi. Tadbir “Orolbo‘yi mintaqasida tuproqning sho‘rlanishiga qarshi kurash, yerning unumdorligi va oziq-ovqat xavfsizligini oshirish uchun suv resurslaridan foydalanishni monitoring va nazorat qilishning yangi texnologiyalarini ishlab chiqish” (BLUE) loyihasi doirasida tashkil etildi.
3. 2026-yil 3-avgust kuni Qoraqalpog‘iston Respublikasi, Nukus yoshlar texnoparkida fermer va agro-tadbirkorlar uchun akselerator dasturining ochilish marosimi bo‘lib o‘tdi. Mazkur loyiha Birlashgan Arab Amirliklarining Sho‘rlangan tuproq sharoitida biodehqonchilik xalqaro markazi (ICBA) hamda Innovatsion rivojlanish agentligi hamkorligida amalga oshirilmoqda. Dastur Abu-Dabi taraqqiyot jamg‘armasi (ADFD) tomonidan moliyalashtirilayotgan “Qoraqalpog‘istonning degradatsiyaga uchragan hududlarida barqaror qishloq xo‘jaligi ishlab chiqarish tizimlarini rivojlantirish” loyihasi doirasida tashkil etilgan.
4. 2026-yil 10-avgust kuni O‘zbekiston startap ekotizimini rivojlantirish bo‘yicha KSP loyihasining yakuniy natijalarini taqdim etish maqsadida “Yakuniy hisobot seminari” tashkil etildi.

2025-yilda ilm-fan va innovatsiyalar sohasida xorijiy davlatlar bilan amalga oshirilgan ishlar bo‘yicha MA’LUMOT 

2024-yilda ilm-fan va innovatsiyalar sohasida xorijiy davlatlar bilan amalga oshirilgan ishlar bo‘yicha MA’LUMOT