Xalqaro hamkorlik
Xalqaro hamkorlik (2024-yil)
2024-yil davomida 6 ta xalqaro darajadagi tadbirlar oʻtkazilib, 300dan ortiq ilm-fan va innovatsiyalar sohasida faoliyat olib boruvchi xorijiy ishtirokchilar ishtirok etishdi. Xalqaro hamkorlik aloqalarini yoʻlga qoʻyish hamda rivojlantirish maqsadida 5 ta Anglashuv memorandumi imzolandi.
Maʼlumot uchun:
- 2024-yil 24-may kuni Ilm-fanni moliyalashtirish va innovatsiyalarni qoʻllab-quvvatlash jamgʻarmasi va Turkiyaning Balikesir Universiteti oʻrtasida;
- 2024-yil 14-iyun kuni Innovatsion rivojlanish agentligi va Koreya texnologiyalarni rivojlantirish instituti oʻrtasida;
- 2024-yil 15-noyabr kuni Innovatsion rivojlanish agentligi va Germaniyaning Markaziy Osiyo barqaror innovatsiyalar byurosi (CASIB) oʻrtasida;
- 2024-yil 16-noyabr kuni Innovatsion rivojlanish agentligi va ““QazInnovations” Innovatsion rivojlanish milliy agentligi” AJ oʻrtasida;
- 2024-yil 13-dekabrda Innovatsion rivojlanish agentligi, Ilm-fanni moliyalashtirish va innovatsiyalarni qoʻllab-quvvatlash jamgʻarmasi, Rossiyaning “Quantum Technologies” qoʻshma korxonasi MChJ va “Xalqaro kvant optikasi va kvant texnologiyalari markazi” MChJ oʻrtasida anglashuv memorandumlari imzolangan.
Xalqaro tadbirlar
- 2024-yil 27-28-may kunlari Innovatsion rivojlanish agentligi va AQSh Savdo vazirligining Savdo huquqini rivojlantirish dasturi (CLDP) hamkorligida “Oʻzbekistonda texnologiyalari transferi ixtirolarini baholash” mavzusidagi ikki kunlik seminar tashkil etildi.
- 2024-yil 13-iyunda Koreya Respublikasi Prezidenti Yun Suk Yolning mamlakatimizga davlat tashrifi arafasida Innovatsion rivojlanish agentligida Koreya xalqaro hamkorlik agentligi (KOICA) va UNIDOning Koreya Respublikasidagi investitsiyalar va texnologiyalarni ragʻbatlantirish boʻlimi bilan hamkorlikda seminar tashkil qilindi.
- 2024-yil 28-iyunda Innovatsion rivojlanish agentligi, Yoshlar ishlari agentligi, hamda Oʻzbekiston yoshlari umumjahon assotsiatsiyasi hamkorligida “Butunjahon yoshlar festivali” doirasida “Oʻzbekiston — Yaponiya Yoshlar Forumi” tashkil etildi.
- 2024-yil 3-iyulda Innovatsion rivojlanish agentligida AQSH xalqaro taraqqiyot agentligi (USAID) bilan hamkorlikda Climate Smart Business Inkubator (CSBI) dasturi startaplarining demo kuni oʻtkazildi.
- 2024-yil 14-noyabrda Innovatsion rivojlanish agentligi tomonidan “ShHTga aʼzo davlatlar sheriklik forumi: Mintaqaviy farovonlik uchun innovatsiyalar” mavzusida xalqaro tadbir tashkil etildi.
- 2024-yil 15-noyabrda xalqaro donorlar ishtirokida “Demo Day” tashkil etildi.
- 2024-yil 18-noyabrda AQShning tijorat huquqini rivojlantirish dasturi (CLDP) doirasida “Patent/bozor tadqiqotlari va marketing hamda texnologiya transferi” mavzusida seminar-trening boʻlib oʻtdi.
Rasmiy uchrashuvlar
2024-yil davomida Innovatsion rivojlanish agentligi tomonidan xorijiy davlat tashkilotlari hamda xalqaro tashkilotlar bilan 40 dan ortiq rasmiy uchrashuvlar tashkil qilindi. Xususan, uchrashuvlar Amerika Qoʻshma Shtatlari, Misr, Italiya, Shveysariya, Koreya, Tojikiston, Fransiya, Qatar, Malayziya, Rossiya, Belarus, Xitoy kabi davlatlar vakillari bilan uchrashuv va muzokaralari tashkil etildi.
Uchrashuvlarda oʻzaro hamkorlikni rivojlantirish istiqbollari muhokama etildi. Shuningdek, xorijiy delegatsiyalar vakillari soʻnggi yillarda Oʻzbekistonda ilm-fan va innovatsiyalar sohasida amalga oshirilgan islohotlar va erishilgan yutuqlarning mazmun-mohiyati bilan tanishtirildi.
