Kompaniya xizmatlari doirasida:

Kafillik – 13 880 ta loyihaga ajratilgan 27 trln 354 mlrd so‘m kredit bo‘yicha 10 trln 650 mlrd so‘mlik kafillik taqdim etilib, tadbirkorlarning garov ta’minotidagi taqchilligi hal etilishiga ko‘maklashildi. 

Kompensatsiya – 33 593 ta loyihaga ajratilgan 49 trln 953 mlrd so‘m kredit bo‘yicha 6 trln 696 mlrd so‘mlik kompensatsiya shartnomasi tuzilib, tadbirkorlarning kredit foizining bir qismini qoplab berish bo‘yicha majburiyat olindi.

Xizmatlar ipotekasi – Tadbirkorlarning 221 mlrd so‘mlik 41 ta loyihasini amalga oshirish yuzasidan hamkorlik o‘rnatildi. Yana 1 trln 717 mlrd so‘mlik 146 ta loyiha ustida o‘zaro hamkorlik ishlari olib borilmoqda.

Ulush kiritish – 5 nafar tadbirkor bilan ulushdorlik asosida hamkorlik o‘rnatilib, ularning biznes faoliyatini yanada rivojlantirish maqsadida 11 mlrd so‘mlik ulush kiritildi. Yana 18 nafar tadbirkor bilan 124 mlrd so‘mlik loyihalarni hayotga tatbiq etish yuzasidan hamkorlik ishlari olib borilmoqda.

Resurs ajratish – Hamkor tashkilotlar orqali 331 ta biznes loyihasi 416 mlrd so‘mlik imtiyozli va bozor stavkalaridan arzonroq resurslar bilan qo‘llab-quvvatlandi.

Qayta moliyalashtirish – Tadbirkorlarning 16 151 ta loyihasiga ajratilgan mikrokreditlarning 1 trln 521 mlrd so‘m qismi qayta moliyalashtirildi.

Mazkur moliyaviy yordamlar ko‘rsatilishi natijasida: 

1) Jami 77,3 trln so‘mdan ortiq kreditlar kafillik va kompensatsiyalash asosida qo‘llab-quvvatlandi;

2) Kredit foizi kompensatsiya qilinishi orqali to‘lov grafigiga amal qilinganda 6,7 trln so‘mga yaqin mablag‘lar tadbirkorlar ixtiyorida qoldiriladi;

3) Tadbirkor ayollarning 9 553 ta loyihasiga 1 trln 897 mlrd so‘m yordam yo‘naltirildi; 

4) 8 mingdan ortiq yashil va energiya tejamkor loyihalarni qo‘llab-quvvatlash uchun 2 trln 102 mlrd so‘m mablag‘lar yo‘naltirildi;

5) 4-5-toifadagi hududlarda faoliyat yuritayotgan tadbirkorlarning 13 603 ta loyihasi uchun 3 trln 765 mlrd so‘m xizmat ko‘rsatildi;

6) Shunday samarali hamkorlik natijasida tadbirkorlar bilan birga 400 mingga yaqin yangi ish o‘rinlari yaratilishiga hamda ularda mavjud ish o‘rinlari saqlab qolinishiga erishiladi.

Iqtisodiyot va moliya vazirligi

 Axborot xizmati