2025-yilda jamoatchilik fikri asosida shakllanadigan loyihalar uchun 7 trln so‘m yo‘naltiriladi
2025-01-21 12:30:00 / Vazirlik yangiliklari
“Ochiq budjet” axborot portali orqali jamoatchilik fikri asosida shakllantiriladigan loyihalar uchun joriy yilda 7 trln so‘m mablag‘ yo‘naltirilishi nazarda tutilmoqda.
Jumladan, 2025-yil uchun tasdiqlangan “Davlat budjeti to‘g‘risida”gi Qonunga ko‘ra:
1. “Tashabbusli budjet” jarayonining ikki mavsumi uchun* — 5,4 trln so‘m;
2. “Mening maktabim” loyihasi uchun — 605 mlrd so‘m;
3. “Mening bog‘cham” loyihasi uchun — 400 mlrd so‘m;
4. “Mening bog‘im” loyihasi uchun — 100 mlrd so‘m mablag‘ yo‘naltirilishi rejalashtirilgan.
*Bunda, “Tashabbusli budjet” jarayoni uchun tuman va shahar budjetlari qo‘shimcha mablag‘larining kamida 30 foizi ham yo‘naltirilishi hisobiga mazkur mablag‘lar hajmi qariyb 6 trln so‘mni tashkil etishi prognoz qilingan.
Avvalroq joriy yilda “Ochiq budjet” portalida o‘tkaziladigan loyihalarning kalendar-rejasi e’lon qilingan edi.
