Yaponiya xalqaro hamkorlik banki vakillari bilan hamkorlik yo‘nalishlari muhokama qilindi
2026-10-08 20:50:00 / Vazirlik yangiliklari
Uchrashuvda JBICning Yevropa, Yaqin Sharq va Afrika bo‘yicha mintaqaviy rahbari Koxey Toyoda, JBICning O‘zbekistondagi vakili Botir Mutalov, Energetika loyihalarini moliyalashtirish departamenti bosh direktori Yoxey Xigashida hamda boshqa mas’ul vakillar ishtirok etdi.
Uchrashuv davomida tomonlar o‘rtasidagi o‘zaro manfaatli hamkorlikni yanada rivojlantirish, amaldagi tashabbuslarni kengaytirish hamda istiqboldagi qo‘shma loyihalarni amalga oshirish masalalari muhokama qilindi.
Jumladan, muhokamalar davomida tomonlar davlat-xususiy sheriklik (DXSH) asosida amalga oshirilayotgan infratuzilma loyihalari, xususan, sog‘liqni saqlash, energetika, shu jumladan, qayta tiklanuvchi energiya manbalaridan foydalanishni yanada kengaytirish yo‘nalishidagi tashabbuslarga alohida to‘xtalib o‘tdi.
Shuningdek, tomonlar loyihalarga yapon kompaniyalarini jalb qilish hamda loyihalarni moliyalashtirish masalalari yuzasidan fikr almashdi.
Muzokaralar yakunida tomonlar hamkorlik aloqalarini yangi bosqichda davom ettirish hamda yuqoridagi masalalar yuzasidan fikrlar almashinuvi jarayonlarini kengaytirishga kelishib oldi.
Iqtisodiyot va moliya vazirligi
Axborot xizmati va kommunikatsiyalar boshqarmasi