Gonkong vakillari bilan iqtisodiy va moliyaviy hamkorlik masalalari muhokama qilindi
2026-08-28 18:15:00 / Vazirlik yangiliklari
Muloqot davomida O‘zbekiston va Gonkong o‘rtasidagi iqtisodiy va moliyaviy hamkorlikni yanada rivojlantirish, moliyalashtirish manbalarini diversifikatsiya qilish, investitsiyalarni jalb etish hamda istiqbolli hamkorlik yo‘nalishlarini kengaytirish masalalari muhokama qilindi.
Uchrashuvda Gonkongning xalqaro moliya sohasidagi ilg‘or tajribasi, moliyaviy instrumentlardan samarali foydalanish, davlat va xususiy sektor imkoniyatlarini kengaytirish hamda mavjud salohiyatni iqtisodiy jarayonlarga faol jalb etish masalalariga alohida e’tibor qaratildi.
Shuningdek, O‘zbekistonning milliy rivojlanish ustuvorliklari doirasidagi ustuvor loyihalarni moliyalashtirish, ularning investitsiyaviy jozibadorligini oshirish hamda loyihalarni amalga oshirishda xalqaro hamkorlik imkoniyatlaridan samarali foydalanish yuzasidan fikr almashildi.
Shu bilan birga, tomonlar turizm, ta’lim va sun’iy intellekt sohalarida hamkorlikni rivojlantirish, bilim va tajriba almashish, mutaxassislar salohiyatini oshirish hamda yangi loyihalarni amalga oshirish imkoniyatlarini muhokama qildi.
Muzokaralar yakunida tomonlar o‘zaro manfaatli hamkorlikni yanada rivojlantirish, moliyaviy va investitsiyaviy aloqalarni kengaytirish hamda istiqbolli yo‘nalishlarda birgalikdagi ishlarni davom ettirishga tayyor ekanliklarini bildirdi.
Iqtisodiyot va moliya vazirligi
Axborot xizmati va kommunikatsiyalar boshqarmasi