O‘zbekiston Respublikasi Iqtisodiyot va moliya vazirligi

Interaktiv tarzda o‘tkazilgan seminarni “Kaizen Institute Russia” bosh direktori Vitaliy Vasilyev, institutning rivojlanish bo‘yicha direktori Igor Pomochilin va muassasaning O‘zbekistondagi ofisi ahbari Sokrat Sarkisyan olib bordi. Tadbirning asosiy maqsadi qurilish sohasiga zamonaviy bilim, innovatsion yondashuvlar va samarali boshqaruv usullarini keng jalb etish, korxonalarda ish jarayonlarini optimallashtirish hamda raqobatbardoshlikni oshirishdan iborat bo‘ldi.

Mashg‘ulotlar davomida ishtirokchilarga “Kaizen” tamoyillari, korxona faoliyatida uzluksiz takomillashtirish madaniyatini shakllantirish, ishlab chiqarish hamda boshqaruv jarayonlarida samaradorlikni oshirish bo‘yicha nazariy va amaliy ma’lumotlar berildi. Shuningdek, “Kaizen” biznes-tizimi, uni korxonalarda joriy etishning ilg‘or tajribalari hamda samarali jamoalarni shakllantirish masalalari muhokama qilindi.

Seminar dasturidan, shuningdek, “Kaizen” asoslari, biznes-tizim, ilg‘or amaliyotlar, “Samarali jamoalarni yaratish” mavzusidagi biznes-o‘yin hamda savol-javob sessiyalari o‘rin oldi.

Tadbir qurilish kompaniyalari uchun nafaqat nazariy bilim, balki amaliy yechimlar almashinuvi maydoni bo‘lib xizmat qildi. Ishtirokchilar korxonalarda resurslardan oqilona foydalanish, ichki jarayonlarni tizimli yo‘lga qo‘yish, ish sifati va mehnat unumdorligini oshirish bo‘yicha o‘zaro fikr almashdi.

Seminar yakunida ishtirokchilarni qiziqtirgan savollarga javob berildi hamda qurilish sohasida zamonaviy boshqaruv yondashuvlarini bosqichma-bosqich joriy etish muhimligi ta’kidlandi.

Ushbu seminar Fargʻona viloyati qurilish korxonalarida ishlab chiqarish jarayonlarini optimallashtirish, xarajatlarni kamaytirish va mehnat unumdorligini oshirishga xizmat qiladigan zamonaviy boshqaruv madaniyatini shakllantirishga muhim hissa qoʻshadi.

Mazkur ishlar keyingi bosqichda Farg‘ona viloyatida qurilish sohasida faoliyat yuritayotgan tadbirkorlik subyektlari faoliyatini joyiga chiqqan holda o‘rganish, mavjud muammo va imkoniyatlarni diagnostika qilish hamda ularning samaradorligini oshirishga qaratilgan aniq amaliy tavsiyalar ishlab chiqish orqali davom ettiriladi.

Iqtisodiyot va moliya vazirligi
Axborot xizmati va kommunikatsiyalar boshqarmasi