O‘zbekiston Respublikasi Iqtisodiyot va moliya vazirligi

Ma’lumot uchun: joriy yilning aprel oyida “O‘zbekiston Respublikasi Hukumati bilan Turkiya Respublikasi Hukumati o‘rtasida pensiya va ijtimoiy ta’minot to‘g‘risida”gi bitim loyihasi yuzasidan muzokaralarning birinchi raundi muvaffaqiyatli yakunlangan edi.

Muzokaralar natijasida O‘zbekiston Respublikasi Hukumati bilan Turkiya Respublikasi Hukumati o‘rtasidagi pensiya va ijtimoiy ta’minot to‘g‘risidagi bitim hamda uni amalga oshirish bo‘yicha Ma’muriy kelishuv loyihalari matnlari to‘liq kelishib olindi.

Hamkorlikdan ko‘zlangan maqsad — ikki davlat hududida mehnat faoliyatini amalga oshirayotgan fuqarolarning pensiya va ijtimoiy ta’minot huquqlarini ta’minlash, shuningdek, ushbu yo‘nalishdagi hamkorlikni yanada rivojlantirishdan iborat.

Tomonlar uchrashuv yakunlari bo‘yicha muzokaralar natijalarini aks ettiruvchi bayonnomani imzoladilar.

Erishilgan kelishuvlar mazkur hujjatlarni yuqori darajada imzolashga tayyorlash hamda ikki mamlakat o‘rtasida pensiya va ijtimoiy ta’minot sohasidagi hamkorlikni yangi bosqichga olib chiqish uchun muhim asos bo‘lib xizmat qiladi.

Iqtisodiyot va moliya vazirligi

Axborot xizmati va kommunikatsiyalar boshqarmasi