Iqtisodiyot va moliya vazirligida elektron tijorat va IT sohasida faoliyat yurituvchi tadbirkorlar bilan ochiq muloqot oʻtkazildi
2026-05-26 16:25:00 / Vazirlik yangiliklari
Ochiq muloqot jarayonida IT Park rezidentlari, marketpleyslar, mobil operatorlar, internet provayderlari, toʻlov tizimlari hamda boshqa tadbirkorlik subyektlari tomonidan sohaga doir dolzarb muammo va takliflar ilgari surildi hamda ular yuzasidan masʼullar ishtirokida muhokamalar olib borildi.
Xususan, quyidagi yoʻnalishlar boʻyicha masalalar koʻrib chiqildi:
- marketpleyslar va elektron tijorat platformalari faoliyatida qoʻllanilayotgan soliq tartiblari bilan bogʻliq masalalar;
- tovarlarni klassifikatsiya qilish jarayonida QR-kod tizimini qoʻllash bilan bogʻliq takliflar;
- sunʼiy intellekt va zamonaviy IT texnologiyalarini joriy etishni qoʻllab-quvvatlash.
Muloqot davomida koʻtarilgan masalalar, bildirilgan takliflar va ilgari surilgan murojaatlar belgilangan tartibda koʻrib chiqish hamda amaliy choralar koʻrish uchun tegishli vazirlik va idoralarga yuborildi.
