Buyuk Britaniyaning Favqulodda va Muxtor elchisi bilan uchrashuv bo‘lib o‘tdi
2026-05-13 20:55:00 / Vazirlik yangiliklari
Uchrashuvda Buyuk Britaniyaning Sharqiy Yevropa va Markaziy Osiyo mintaqasi bo‘yicha savdo komissari Devid Rid, Britaniya elchixonasi mamlakat direktori Nikolas Altam hamda Iqtisodiyot va moliya vaziri o‘rinbosari Umid Abidxadjayev, Transport vaziri o‘rinbosari Jasurbek Choriyev va boshqa mas’ul vakillar ishtirok etdi.
Muloqot davomida tomonlar ikki tomonlama hamkorlikni yanada rivojlantirish istiqbollari, mamlakatimizda amalga oshirilayotgan iqtisodiy-islohotlar hamda makroiqtisodiy va moliyaviy barqarorlikni ta’minlashga qaratilgan chora-tadbirlar yuzasidan muhokamalar olib bordi.
Xususan, muhokamalar davomida tomonlar quyidagi yo‘nalishlarga alohida e’tibor qaratdi:
- Xususiylashtirish jarayonlari hamda xalqaro kapital bozorlariga kirishni kengaytirish;
- ·Yashil inkluziv rivojlanish jamg‘armasi (GIG Fund) doirasidagi hamkorlik, kichik va o‘rta tadbirkorlikni qo‘llab-quvvatlash, venchur kapital bozori faoliyatini rivojlantirish, xususiy sektor faoliyatini kengaytirish hamda innovatsion startap loyihalarni moliyalashtirish va ularning barqaror o‘sishini ta’minlash;
- logistika va transport infratuzilmasini rivojlantirishga qaratilgan loyihalar, jumladan, yuqori tezlikdagi temir yo‘l tarmoqlarini rivojlantirish yuzasidan tashabbuslar, zamonaviy pullik avtomobil yo‘llarini barpo etish loyihalari.
O‘z navbatida, Buyuk Britaniya tomoni mazkur infratuzilma loyihalari iqtisodiy o‘sishni jadallashtirish, logistika samaradorligini oshirish hamda hududlararo integratsiyani mustahkamlashda muhim ahamiyat kasb etishini qayd etdi.
Muzokaralar yakunida tomonlar o‘zaro hamkorlik aloqalarini rivojlantirish, ustuvor yo‘nalishlar bo‘yicha qo‘shma loyihalarni ilgari surish hamda konstruktiv muloqotni davom ettirishga kelishib oldi.
Iqtisodiyot va moliya vazirligi
Axborot xizmati va kommunikatsiyalar boshqarmasi