Jahon bankining operatsiyalar bo‘yicha boshqaruvchi direktori Anna Berde bilan uchrashuv bo‘lib o‘tdi
2026-04-17 09:55:00 / Vazirlik yangiliklari
Uchrashuv davomida joriy makroiqtisodiy ko‘rsatkichlar, jumladan iqtisodiy o‘sish sur’atlari, inflyatsiya darajasi, tashqi sektor holati va budjet siyosati parametrlari, shuningdek o‘rta muddatli ijtimoiy-iqtisodiy rivojlanish prognozlari ko‘rib chiqildi.
Jahon banki ishtirokida amalga oshirilayotgan qo‘shma loyihalarning borishi muhokama qilinib, ularni moliyaviy qo‘llab-quvvatlash mexanizmlari hamda samaradorligini oshirish masalalariga alohida e’tibor qaratildi.
Shuningdek, tomonlar mamlakatimizda amalga oshirilayotgan ijtimoiy-iqtisodiy islohotlar natijalari hamda iqtisodiy-moliyaviy jarayonlar yuzasidan fikr almashdilar.
Shu bilan birga, xalqaro moliya institutlari bilan o‘zaro hamkorlikni yanada rivojlantirish, jumladan qo‘shma tadbirlar va tashabbuslarni tayyorlash masalalari ko‘rib chiqildi.
Uchrashuv yakunida tomonlar ustuvor yo‘nalishlar bo‘yicha hamkorlikni yanada rivojlantirish va izchil davom ettirishga kelishib oldilar.
Iqtisodiyot va moliya vazirligi
Axborot xizmati va kommunikatsiyalar boshqarmasi