Yevrosiyo barqarorlashtirish va taraqqiyot jamgʻarmasi bilan hamkorlik istiqbollari muhokama qilindi
2026-02-19 17:40:00 / Vazirlik yangiliklari
Maʼlumot uchun: Yevrosiyo barqarorlashtirish va taraqqiyot jamgʻarmasi — 2009-yilda Armaniston, Belarus, Qozogʻiston, Qirgʻiziston, Rossiya va Tojikiston tomonidan tashkil etilgan 8,5 milliard dollarlik mintaqaviy moliyaviy mexanizm. Jamgʻarma inqirozning salbiy oqibatlarini bartaraf etish, uzoq muddatli barqarorlikni taʼminlash va Jamgʻarmaga aʼzo davlatlar iqtisodiyotlarining integratsiyalashuviga koʻmaklashish maqsadida tashkil etilgan.
Uchrashuv davomida Jamgʻarmaning faoliyati, uning moliyaviy qoʻllab-quvvatlash instrumentlari hamda ishtirokchi davlatlarda amalga oshirilayotgan ustuvor yoʻnalishlar batafsil muhokama qilindi. Xususan, makroiqtisodiy barqarorlikni taʼminlash, infratuzilma va institutsional loyihalarni moliyalashtirish masalalariga alohida eʼtibor qaratildi.
Shuningdek, Oʻzbekistonda amalga oshirilayotgan keng koʻlamli iqtisodiy islohotlar, barqaror iqtisodiy oʻsishni taʼminlash, davlat moliyasini boshqarish samaradorligini oshirish va investitsiya muhitini yaxshilash boʻyicha olib borilayotgan ishlar hamda mazkur yoʻnalishlarda hamkorlik istiqbollari muhokama qilindi.
Uchrashuv yakunida konstruktiv muloqotni davom ettirishga kelishildi.
Iqtisodiyot va moliya vazirligi
Axborot xizmati va kommunikatsiyalar boshqarmasi