I. Ipoteka kreditlari

2025-yilda bozor tamoyillariga asoslangan ipoteka kreditlari orqali aholini uy-joy bilan ta’minlashning yangi tartibi doirasida 70 415 nafar fuqaroga 21 215 mlrd soʻmdan ziyod ipoteka kreditlari ajratildi (2024-yilga nisbatan 24 foizga koʻp).

Shundan, budjet resurslari hisobidan 46 354 nafar fuqaroga 13 609 mlrd soʻm kredit ajratildi.

II. Ipoteka kreditari bo‘yicha subsidiyalar

Daromadi yuqori bo‘lmagan uy-joy sharoitlarini yaxshilashga muhtoj oilalarni uy-joy bilan ta’minlash maqsadida 2025-yilda 20 894 nafar fuqaroga jami 2 118,2 mlrd soʻm subsidiya mablag‘lari toʻlab berildi.

Subsidiyalarni oʻzlashtirish boʻyicha:

eng koʻp – Xorazm viloyati – 1 630 ta (100 foiz), Andijon viloyati – 2 598 ta (94 foiz) va Surxondaryo viloyati – 1 941 ta (83 foiz);

eng kam – Toshkent viloyati – 732 ta (29 foiz), Toshkent shahri – 823 ta (33 foiz), Buxoro viloyati – 997 ta (60 foiz) hissasiga toʻgʻri kelgan.

Bugungi kunda 2025-yilning oktabr oyida taqdim etilgan va 2026-yil fevral oyi yakuniga qadar foydalanilmagan amalda bo‘lgan xabarnomalar bo‘yicha 9 106 ta xabarnomalar boʻyicha fuqarolarning talabidan kelib chiqib toʻlovlar davom ettirilmoqda.

  III. “O‘zbekiston ipotekani qayta moliyalashtirish kompaniyasi” AJ

2025-yilda Kompaniya mablagʻi hisobidan 9 mingga yaqin fuqaroga jami 2,2 trln soʻm kredit ajratilgan (2024-yilga nisbatan 42 foizga koʻp).

Ipoteka kreditlarining 111,6 mlrd soʻmi “yashil” taʼmirlash maqsadlariga yoʻnaltirilgan.

2025-yilda Kompaniya tomonidan jami 63 mln AQSH dollar, shu jumladan, Osiyo taraqqiyot bankidan – 30 mln AQSH dollar, Xalqaro moliya korporatsiyasidan – 20 mln AQSH dollar, Yevropa tiklanish va taraqqiyot bankidan – 13 mln AQSH dollar jalb qilingan. Mahalliy kapital bozoridan 600 mlrd soʻm jalb qilingan.

Shuningdek, Yevropa tiklanish va taraqqiyot bankidan – 40 mln AQSH dollar va Fransiya taraqqiyot agentligidan – 30 mln yevro jalb qilish boʻyicha kelishuvlarga erishilgan.

Iqtisodiyot va moliya vazirligi

Axborot xizmati va kommunikatsiyalar boshqarmasi