Mualliflik huquqini himoya qilish oyligi yakunlariga bag‘ishlangan matbuot anjumani o‘tkazildi
2026-11-02 15:55:00 / Vazirlik yangiliklari
Adliya vazirligi tomonidan Ommaviy axborot vositalari uchun kontent tayyorlash markazida “Mualliflik huquqini himoya qilish oyligi” doirasida amalga oshirilgan ishlar va erishilgan natijalarga bag‘ishlangan matbuot anjumani bo‘lib o‘tdi.
Anjumanda mualliflik huquqini himoya qilish, kontrafakt asarlar tarqalishining oldini olish, ko‘chirmachilikka qarshi kurashish hamda jamoatchilikning bu boradagi huquqiy xabardorligini oshirish yo‘nalishlarida amalga oshirilgan ishlar haqida ma’lumot berildi.
Shuningdek, mualliflik huquqiga rioya etish madaniyatini yuksaltirish, ijodkorlarning huquq va qonuniy manfaatlarini himoya qilish hamda jamiyatda intellektual mulkka hurmatni kuchaytirish masalalariga e’tibor qaratildi.
Tadbirda OAV va jamoatchilik vakillari, blogerlar ishtirok etib, berilgan savollarga mutaxassislardan javoblar olishdi.