O‘zbekiston Respublikasi Adliya vazirligi

✅Toshkent shahrida Toshkent davlat yuridik universiteti tashkil etilganining 35 yilligiga bag‘ishlangan “Huquqiy davlat sari 35 yil. Yuridik ta’lim, ilm-fan va innovatsiyalar yangi taraqqiyot bosqichida” mavzusidagi xalqaro ilmiy-amaliy konferensiya bo‘lib o‘tdi.

➡️Unda davlat hokimiyati va boshqaruvi organlari, sud-huquq sohasi vakillari, mamlakatimiz va xorijdagi oliy ta’lim hamda ilmiy-tadqiqot muassasalari rahbarlari, taniqli huquqshunos olimlar, xalqaro ekspertlar, professor-o‘qituvchilar, bitiruvchilar va talabalar ishtirok etdi.

➡️Tadbirning yalpi majlisida O‘zbekiston Respublikasi adliya vaziri Akbar Tashkulov so‘zga chiqib, zamonaviy yuridik ta’limni xalqaro standartlar asosida takomillashtirish, ilmiy tadqiqotlarni amaliyot bilan uyg‘unlashtirish hamda yangi avlod huquqshunoslarini tayyorlash masalalariga alohida e’tibor qaratdi.

📌 Bugungi kunda TDYUda yuridik ta’lim va ilm-fanni yangi bosqichga olib chiqishga qaratilgan tizimli islohotlar amalga oshirilmoqda. Xususan:

🔵 fakultetlar faoliyatida akademik departament, tadqiqot markazi hamda amaliyot va karyera markazidan iborat yangi boshqaruv modeli shakllantirildi;

🔵 2026–2030-yillarda yuridik ilm-fanni rivojlantirish bo‘yicha 14 ta tematik blok doirasida 31 ta ustuvor yo‘nalish va 182 ta subyo‘nalish belgilandi;

🔵 nazariya va amaliyot integratsiyasini kuchaytirish maqsadida 2–4-bosqich talabalari uchun 120 ta davlat va xususiy tashkilotda doimiy amaliyot tizimi yo‘lga qo‘yildi;

🔵 universitet bitiruvchilarining qariyb 96 foizi ish bilan ta’minlangan, 2025/2026-o‘quv yili bitiruvchilarining 72 foizi esa universitetni tamomlamasdan turib dual ta’lim orqali band qilingan;

🔵 professor-o‘qituvchilar va tadqiqotchilar tomonidan Scopus bazasiga kiruvchi xalqaro ilmiy jurnallarda 71 ta maqola chop etildi;

🔵 2026-yil avgust holatiga 38 ta ilmiy himoya, jumladan, 6 ta DSc va 32 ta PhD himoyasi amalga oshirildi.

✅Huquqshunoslik alohida kasb. Yuristning qo‘lida inson taqdiri, uning mulki, erkinligi va sha’ni bor. Shuning uchun huquqshunosdan chuqur bilim bilan birga pok vijdon, halollik va mustahkam iroda talab etiladi. - ta’kidladi adliya vaziri Akbar Tashkulov o‘z nutqida.

➡️ Konferensiya doirasida, shuningdek, universitetning “TDYU–2030” taraqqiyot strategiyasi, xalqaro ilmiy hamkorlikni kengaytirish, talabalar tashabbuslarini qo‘llab-quvvatlash hamda yuridik ta’limni raqamlashtirish istiqbollari muhokama qilindi.