Душанбеда ҳаводаги ҳаракат оқимларини бошқаришни ривожлантириш бўйича ICAO ишчи гуруҳининг махсус йиғилиши ўз ишини бошлади
2025-09-18 10:00:00 / Янгиликлар
Йиғилишда Ўзбекистон делегацияси, шунингдек Марказий Осиё, Кавказ давлатлари, Туркия, Россия, Эрон ва Мўғулистон вакиллари иштирок этмоқда. Тадбирга халқаро ташкилотлар ва компаниялар ҳам қизиқиш билдирди - иштирокчилар орасида IATA, Delta Air Lines, Air France, KLM, Finair авиакомпаниялари, Jeppesen компанияси ҳам бор.
Йиғилишнинг асосий вазифаси Кавказорти, Марказий Осиёнинг Яқин Шарқ билан туташ ҳудудлари, шунингдек, ICAO Европа минтақасининг Узоқ Шарқ йўналишлари тармоғи ва ҳаво ҳудуди тузилмасини оптималлаштириш бўйича таклифлар ишлаб чиқишдан иборат.
Ишчи гуруҳ ҳаво қатновига хизмат кўрсатишнинг янги йўналишларини жорий этишни режалаштириш, йўналишлар тармоғини такомиллаштириш бўйича таклифлар тайёрлаш, шунингдек, ICAOнинг чегарадош минтақалари давлатлари билан зарур мувофиқлаштиришни амалга ошириш билан шуғулланади.