“Яшил шаҳар” транспорт йўлагининг иқтисодий, экологик ва ижтимоий таъсирини ўрганиш натижалари эълон қилинди
2026-09-03 14:00:00 / Янгиликлар
Нукус ва Урганч шаҳарларида бўлиб ўтган семинарларда Тошкент шаҳрининг Шота Руставели кўчасида 2025 йили жорий этилган транспорт йўлагининг (БРТ) иқтисодий, экологик ва ижтимоий таъсирини ўрганиш натижалари тақдимот қилинди.
Кўча инфратузилмаси яхшиланиши, унда ажратилган автобус йўлаги ва велосипед йўлаклари жорий этилиши, қўшимча яшил ландшафт майдонлари яратилиши натижасида бир қатор ижобий ўзгаришлар кузатилди.
Хусусан, 2026 йилда олинган кўрсаткичлар 2023-йилги базавий индикаторлар билан солиштирганда қуйидагилар аниқланди:
йўлак бўйлаб енгил автомобилларнинг ўртача тезлиги 18 фоизга, автобусларнинг ўртача тезлиги 45 фоизга ошган;
жамоат транспортида кунлик йўловчи оқими 8 052 тага ёки 9 фоизга ошган;
Атмосфера ҳавосини ифлосланганлигини ўлчаш сенсорлари берган маълумотларга кўра йўлак бўйлаб ҳаво сифати яхшиланган:
Хусусан, азот диоксиди (НО₂) концентрацияси 102 фоизга, углерод оксиди (CО) 33 фоизга қисқарган.
Майда дисперс заррачалар (ПМ 2.5, ПМ 10) концентрацияси ҳам белгиланган нормативлардан ошмаган.
Шунингдек, кўча бўйлаб истиқомат қилувчи аҳоли ва йўловчилар орасида сўровнома ўтказилиб, 610 нафар респондентларнинг фикри ўрганилди.
Аҳолининг мазкур реконструкция ишлари ва транспорт йўлагидан қониққанлик даражаси 90 фоиз эканлиги аниқланди.