Темир йўл соҳасида эҳтиёт қисмлар ишлаб чиқаришни маҳаллийлаштириш масалалари муҳокама қилинди
2026-08-11 17:05:00 / Янгиликлар
Учрашувда темир йўл транспорти соҳасида зарур эҳтиёт қисмларни ишлаб чиқаришни маҳаллийлаштириш, шунингдек, мамлакатимизда қабул қилинган норматив-ҳуқуқий ва техник ҳужжатларда белгиланган талаблар ҳамда стандартларни ўрганиш жараёнига Кореянинг малакали мутахассисларини жалб қилиш масалалари муҳокама қилинди.
Томонлар мазкур йўналишда ҳамкорликни янада ривожлантириш, лойиҳани амалга ошириш жараёнини жадаллаштириш ва бу борада аниқ чора-тадбирларни белгилаш бўйича келишиб олдилар.
Учрашув темир йўл соҳасида маҳаллий ишлаб чиқаришни кенгайтириш, импорт ўрнини босувчи маҳсулотлар ишлаб чиқариш ва Ўзбекистон–Корея транспорт соҳасидаги амалий ҳамкорликни мустаҳкамлашга хизмат қилади.
Маълумот учун: Sampyo Railway Co. —темир йўл инфратузилмаси учун зарур бўлган эҳтиёт қисмлар, темир-бетон шпаллар, рельс ва стрелкали ўтказгичлар ишлаб чиқариш бўйича Жанубий Кореянинг етакчи компанияларидан бири ҳисобланади.