Ўзбекистон Грузия портлари орқали экспорт-импорт ва транзит ташувлари ҳажмини оширади
2026-07-01 11:35:00 / Янгиликлар
Шунингдек, мазкур компанияларнинг қуввати, логистика инфратузилмаси объектлари имкониятлари жойига чиққан ҳолда батафсил ўрганилди.
Ўрганиш давомида Ўзбекистоннинг экспорт, импорт ва транзит юкларини қабул қилиш, сақлаш, қайта ишлаш, контейнерларга жойлаштириш, қайта юклаш, консолидация ва деконсолидатсия қилиш, шунингдек, кейинги манзилларга узлуксиз етказиб бериш бўйича мавжуд терминал ва омбор инфратузилмасининг имкониятлари билан яқиндан танишилди.
Хусусан, ёпиқ ва очиқ омбор майдонларидан фойдаланиш, вақтинча сақлаш хизматларини ташкил этиш, контейнерларни қайта ишлаш қувватлари ҳамда мултимодал ташиш жараёнларини самарали ташкил этиш масалалари Грузиялик ҳамкорлар билан атрофлича муҳокама қилинди.
Музокаралар чоғида мазкур инфратузилмалар имкониятларидан Ўзбекистон юкларига хизмат кўрсатишда янада кенг фойдаланиш, Поти порти орқали амалга ошириладиган экспорт-импорт ва транзит ташувлари ҳажмини ошириш, юкларни қайта ишлаш ва сақлаш хизматларини такомиллаштириш, логистика занжирининг барқарорлиги ҳамда рақобатбардошлигини таъминлаш, шунингдек, узоқ муддатли амалий ҳамкорликни ривожлантириш истиқболлари юзасидан атрофлича фикр алмашилди.