Транспорт соҳасида гендер тенгликни мустаҳкамлаш борасидаги Ўзбекистон тажрибаси халқаро миқёсда эътироф этилди
2026-05-20 12:10:00 / Янгиликлар
Банк маълумотларига кўра аёллар бутун дунё бўйлаб транспорт соҳасидаги ишчи кучининг атиги 12 фоизини ташкил этади, уларнинг ушбу соҳадаги иштирокини ошириш янада экологик тоза, хавфсиз ва самарали транспорт тизимларини яратишнинг асосий омилидир.
"Транспортда аёллар" (Women in Transport, WiT) тармоғи барча соҳаларда, айниқса ўрта ва юқори даражадаги техник ва раҳбарлик лавозимларида аёллар учун имкониятларни кенгайтириш мақсадида ҳамкорлар ва амалиётчи мутахассисларни бирлаштиради.
Ушбу тармоқ билим алмашиш, тренинглар, мураббийлик ва етакчилик қобилиятларини ривожлантириш орқали таълим олиш, ҳамкорлик қилиш ва карера ўсиши учун платформа бўлиб хизмат қилади.
Тадбирда Ўзбекистон Республикаси транспорт вазирлигининг мамлакат транспорт соҳасида гендер тенглик тамойилларини интеграция қилиш, транспорт соҳасида хотин-қизлар иштирокини ривожланиш борасидаги ислоҳот ва тажрибаси муваффақиятли мисоллар қаторида эътироф этилди.
Халқаро экспертлар томонидан транспорт тизимида хавфсизлик, қулайлик ҳамда инклюзив ва гендерга сезгир муҳит яратиш бўйича амалга оширилаётган амалий чоралар алоҳида эътибор билан қайд этилди.
Бугунги кунда Ўзбекистон транспорт соҳасида аёллар ва барча йўловчилар учун хавфсиз ва қулай шароитлар яратиш, аёлларнинг транспорт тизимидаги иштирокини кенгайтириш ҳамда инсон манфаатларига йўналтирилган замонавий шаҳар инфратузилмасини ривожлантиришга алоҳида эътибор қаратилмоқда.
Амалга оширилаётган ислоҳотларнинг халқаро ташкилотлар ва хорижий мутахассислар томонидан ижобий баҳоланаётгани айниқса қувонарли.Бундай халқаро майдонлар тажриба алмашиш ва барқарор ҳамда инклюзив транспорт ривожланиши бўйича ҳамкорликни мустаҳкамлашда муҳим аҳамият касб этади.
Тадбирда тармоқнинг устувор йўналишлари ёритилиб, транспорт соҳасидаги техник ва раҳбарлик лавозимларида хотин-қизларнинг иштирокини кенгайтириш бўйича амалий тажрибалар тақдим этилди.